El qorǵany

Qorǵanys mınıstrligi 2011 jyldan beri Qarýly Kúsh­terdiń sapaly ofıserler korpýsyn qalyptastyrý jó­nindegi baǵdarlamaǵa sáı­kes, joǵary oqý oryndary tú­lekteriniń taǵdyryn jiti qa­da­ǵalap otyrady. Bul jol­ǵy kezdesýge 2020 jyly áske­rı ınstıtýtty bitirgen, qyz­met­te jetistikke jetken já­ne joǵary laýazymdarǵa ta­ǵaıyn­­dalǵan 12 ofıser shaqy­ryldy.

Instıtýttan soń olar túr­li laýazymdar atqara júrip, tálimgerleriniń seniminen shyǵa bilgenin aıta ketý kerek. Jınalǵandarǵa jas ofıserlerdiń qyzmettegi je­tistikteri týraly beınerolıkter kórsetildi.

– Búgin biz áskerı oqý or­nynyń úzdik túlekterine qurmet kórsetip otyrmyz. Bul – men úshin úlken maq­tanysh. Osydan qyryq jyl buryn sizder sekildi men de Almaty joǵary jalpy ás­kerı komandalyq ýchı­lı­shesine oqýǵa túsip, kópte­gen ofıser sııaqty 1987 jyly bitirip shyqtym. О́mir­de AVOKÝ túlegi degen abyroı­ly ataqty laıyqty alyp júr­miz, – dedi general-polkov­nık Rýslan Jaqsy­lyqov.

Vedomstvo basshysy son­­daı-aq mádenıeti joǵa­ry, uıymdastyrýshylyq qabi­letke ıe úzdik túlekter óz isiniń naǵyz kásipqoılary elimizdiń Qarýly Kúshte­rinde júrgizilip jat­qan refor­malardyń lokomotı­vine aınalatynyn atap ótti.

– Qazaqstan armııasynyń bolashaǵy sizder. Sol sebep­ti Qarýly Kúshterdi odan ári damytý, memlekettiń tu­­raqtylyǵy men qaýip­sizdigine kepili bolarlyq áske­rı bilim­niń barlyq spektrine ıe bolýlaryńyz kerek, – dedi qor­ǵanys ve­dom­stvosynyń basshysy jas ofıserlerge.

Kezdesýde Qurlyq ás­kerleri áskerı ınstıtýtynyń túlegi aǵa leıtenant Temirlan Dáýrenbekuly sóz sóıledi. Ol ózderine jan-jaqty bi­lim bergen oqytýshylar qura­my men komandırler­ge alǵysyn bildirip, qorǵanys mınıstrine jas ofıserlerdiń jaýyngerlik tapsyrmalardy oryndaýǵa daıyn ekenin jáne Qurlyq áskerleri áske­rı ınstıtýtynyń túlegi ataǵyn laıyqty alyp júrýge bar kúshin salatynyn jetkizdi.

Jıynda áskerı oqý or­nynyń túlegi aǵa leıtenant Dıas Nurıamenniń anasy Ásem Balapanova sóz alyp, Saǵadat Nurmaǵambetov atyn­daǵy Qurlyq áskerleri ás­kerı ınstıtýtynyń ujy­­myna rızashylyǵyn bil­dirdi.

– Meniń ulym 2020 jy­ly ınstıtýtty qyzyl dıplommen bitirdi. Men onyń Qarýly Kúshter qatarynda qyzmet atqaratynyn maqtan tutamyn. Otan qorǵaý ońaı jumys emes. Ashyq aspan astyndaǵy beıbit elimiz gúl­dene bersin, – degen Ásem Balapanova barlyq analarǵa aq tilegin jetkizdi.

Jas komandırler «Qazaq­stan Respýblıkasynyń Qa­rýly Kúshterine 30 jyl» estelik belgisimen marapattalyp, olarǵa armııanyń qu­rylýy men qalyptasýy týraly kitap tapsyryldy.