Elimizde sybaılas jemqorlyqqa qarsy kúres qanshalyqty nátıjeli atqarylyp jatqanyn naqty aıtý qıyn. Memleket qarjysyna qol suqqan sheneýnikterdiń temir torǵa qamalýy máseleniń sheshilip jatqanyn ańǵartpasa kerek. Problemanyń sebep-saldarymen kúresý mańyzdy.
Bul týraly Qazaqstan Respýblıkasynyń prezıdenttigine Jalpyulttyq sosıal-demokratııalyq partııasy atynan kandıdat Nurlan Áýesbaev Astana qalasynda ótken saılaýshylarmen kezdesýde aıtty. Onyń pikirinshe, memleket aldynda turǵan basty máselelerdiń biri – sybaılas jemqorlyqtyń deńgeıin tómendetý. Ol úshin birqatar saıası reformany júzege asyrý kerek. Reformalardyń biri bıýdjet prosedýralaryn jetildirýmen aıqyndalady. Ár eldi mekende ózine tıesili ashyq bıýdjet jasaqtalyp, naqty ýaqyt rejiminde onlaın túrde memleket qarjysynyń qalaı jáne qaıda jumsalyp jatqandyǵy ashyq kórsetilip otyrýy kerek. Sondaı-aq kandıdat ortalyq jáne jergilikti atqarý organdarynda barlyq deńgeıdegi depýtattar men sheneýnikterdiń kiris-shyǵysy týraly mindetti jarııa deklarasııany shuǵyl túrde engizý qajet dep sanaıdy.
Sonymen qatar Nurlan Áýesbaev zańsyz baıýǵa qatysty qylmystyq jaýapkershilikti qatańdatýdy usyndy. «Paraqorlarmen nátıjeli kúrestiń jalǵyz joly – osy», deıdi ol.