Almatydaǵy Bitimgerlik daıyndyq ortalyǵyna Kanada dıplomattary keldi. Jumys sapary barysynda Kanadanyń Qazaqstan Respýblıkasyndaǵy Tótenshe jáne О́kiletti Elshisi Alan Hemson men áskerı attashe ekinshi dárejeli kapıtan Ronald Gote bitimgerlik mıssııalarǵa qatysý maqsatynda áskerı qyzmetshilerdi daıyndaıtyn ortalyqtyń qyzmetimen tanysty.
Bitimgerlik daıyndyq ortalyǵynyń bastyǵy, polkovnık Baýyrjan Nyǵmetýllın Qorǵanys mınıstrliginiń qurylymdyq bólimshesiniń qurylý tarıhy men atqaratyn qyzmetiniń basty baǵyttary týraly aıtyp berdi.
Dıplomattar sondaı-aq oqý baǵdarlamalarymen, sonyń ishinde BUU-nyń bitimgerlik mıssııalary sheńberinde tilderdi qarqyndy daıarlaý jáne beıbit turǵyndardy qorǵaý kýrstarymen tanysty.
Kezdesý barysynda taraptar bitimgerlik qyzmettegi genderlik aspektilerdi talqylady. Kanada – BUU Qaýipsizdik Keńesiniń «Áıelder. Álem. Qaýipsizdik» 1325 Rezolıýsııasyn belsendi qozǵaǵan el. Bıyl maýsym aıynda Kanada elshiliginiń qoldaýymen Astana men Nıý-Iorktegi «BUU – áıelder» qurylymymen birlesip, osy taqyryp tóńireginde kýrs ótkizdi.
Kezdesý sońynda Kanadanyń Qazaqstan Respýblıkasyndaǵy Tótenshe jáne О́kiletti Elshisi Alan Hemson qazaqstandyq tarapqa jyly qabyldaǵany úshin alǵysyn bildirip, yntymaqtastyqqa daıyn ekenin jetkizdi.