«Aınalaıyn!» festıvali tanytqan jańa juldyzdar

«Qazhrom» trans­­­ulttyq kompanııasy» aksıonerlik qoǵamynyń ıgi bastamasymen 1999 jyldan beri dástúrli ótip kele jatqan «Aınalaıyn!» festıval-baıqaýy jas talanttardy óner kógine qanat qaqtyryp keledi. Bul óner saıysy oblys ortalyǵyndaǵy Metallýrgter mádenıet úıinde osymen on besinshi ret joǵarǵy deń­­geı­de uıymdas­­tyryldy. Festıval-baıqaý Aqtóbe, Pavlodar, Qaraǵandy oblys­tarynyń talaı balǵyn ónerpazdar býynyn bekitip, topshysyn qataı­typ, úlken sahnaǵa aıaq basýyna dáneker bolǵan biregeı joba. Tórt kún boıy 400-ge jýyq jas oryndaýshylar 7 nomınasııa boıynsha saıysqa tústi. Bıylǵy dástúrli baıqaýda Aqtóbe oblysy, aýdandary men qala mektepterinen 6, tipti shal­ǵaıdaǵy Oıyl, irgedegi Qarǵa­ly, Alǵa balalar úıiniń tárbıe­­­lený­shileri ónerlerin ortaǵa saldy. О́ner baıqaýyna úkili úmit­terin arqalap kelgen 400-ge jýyq jas talap ónerpazdardyń 154-i «Qazhromnyń» fılıaldary Dóń, Jáırem ken-baıytý kombı­nat­tarynyń, «Qazmarganes» ken bas­qarmasynyń, Aqtóbe, Aqsý fer­ro­qorytpa zaýyttarynyń bal­ǵyndary. Baıqaýdyń saltanatty ashylýynda óner dodasynyń uıymdastyrýshysy ári uıytqysy bolyp otyrǵan «Qazhrom» TUK» AQ-tyń prezıdenti Vıktor Tıl jas ónerpazdarǵa quttyqtaý sóz arnady. Sahnada ózderin quddy bir kásibı ánshiler, bıshiler, kúı­shi­ler sııaqty ustaǵan jas oryn­daýshylardyń jeztańdaı únderi, kúmbirlete tartqan kúıleri jı­nalǵandardy tánti etpeı qoımady. Metallýrgter mádenıet úıi tórt kún boıy ásem sazdy án men kúmbirlegen kúıge bólendi, myń buralǵan bımen kómkerildi dese de bolǵandaı. Qazylardyń sheshimi boıynsha «Aınalaıyn-2014» festıval-konkýrsynyń bas júldesin «Vokal» janry boıynsha Aqtóbe ferroqorytpa zaýytynan Anara Kúıshenova, Aqsý ferroqorytpa zaýytynan Álibek Álimjanov jáne №45 orta mektepten Aqmereı Ábdirahmanova jeńip aldy. Al «Horeografııa» atalymynda tek qana Oıyl aýdanynyń «Mar­jan» bı ujymy bas júldege qol jetkizdi. Al «Teatr» janry boıynsha bas júlde Dóń taý-ken baıytý kombınatynyń «Shabyt» ujymyna buıyrdy. «Aspaptyq» janrynda Gran-prıdi Aqtóbe ferroqorytpa zaýytynyń «Jastar» ult-aspaptar orkestri, Mártók aýylynyń dombyrashy­lar ansambli ózara bólisti. «A­ı­nalaıynnyń» 15 jyldyq mereı­toıyna baılanysty «Beı­nerolık» atalymy boıyn­sha Aq­tóbe ferroqorytpa zaýy­ty­nyń daıyndaǵan beıne rolıgi úz­dik dep tanylyp bas júldege ıe boldy. «Beıneleý óneri» bo­ıyn­­­sha Gran-prı Aq­tó­be fer­ro­­­qorytpa zaýytynan Mı­lana Pro­hına, Elızaveta Vol­kova jáne Hromtaýdyń gım­nazııa-mek­­­tebiniń oqýshysy Anas­tasııa So­­bolevaǵa, qalalyq balalar mek­te­­binen Aleksandr Pet­rovaǵa buıyr­­dy. Bas júldege ıe bolǵan ujym­dar 27 myń, jeke oryn­daý­shylar 18 myń, birinshi oryndy mise tutqan ujymdar 24 myń, jeke óner ıeleri 15 myń teń­­ge aldy. О́zgeler de ataýly syı­­­­aqymen, dıplommen marapattaldy. Mádenı shara festıval-kon­kýrstyń 2002 jylǵy júldegeri Dımash Qudaıbergenovtiń oryn­daýyndaǵy ásem ánmen qory­tyn­dylanyp, otshashýmen aıaqtaldy. Satybaldy SÁÝIRBAI, «Egemen Qazaqstan». Aqtóbe oblysy.