«Qazdatathon» konkýrsy bastaldy

Qazaqstannyń joǵary oqý oryndarynyń magıstratýra jáne doktorantýra baǵdarlamalarynda bilim alýshylar derektermen ju­mys isteýge baǵyttalǵan kon­kýrs­qa qatysýǵa shaqyrylady. Bul úshin 2-5 adamnan turatyn komandalar quryp, datathon.kz saıtynda qatysý formasyn toltyrý qajet. О́tinimderdi qabyldaý 15 qarashaǵa deıin júrgiziledi. Jobaǵa qatysý úshin komandalar statıstık, ekonomıst, data scientist, matematık jáne t.b. sııaq­­ty ártúrli saladaǵy maman­dar­­dan quralýy múmkin. Bir ýnıver­­sıtetten birneshe komanda qatysa alady.

Konkýrs barysynda qatysý­shy­larǵa osy derekterdiń negi­zinde jasalǵan sıntetıkalyq (jasandy) derekter usynylady. Bul qupııalylyq saıasatyn buzbaı mıkroderekterdi jappaı paıdalaný múmkindigin ashady.

«Buǵan deıin biz derekterdi joǵary oqý oryndaryna tek olardyń suranysy boıynsha usy­natynbyz. Endi jeke derekterdi qam­tymaıtyn sıntetıkalyq derek­terdi paıdalaný múmkindigin bere alamyz. Osylaısha jas ǵalymdar olardyń negizinde joba sheshim­deriniń naqty modelin jasaı alady. Biz joǵary oqý oryn­dary baıqaýǵa atsalysyp, qyzyq­ty jobalardy usynady dep úmitte­nemiz», deıdi Strategııalyq jospar­laý jáne reformalar agent­tigi Ulttyq statıstıka bıýrosy­nyń basshysy Jandos Shaımardanov.

Sondaı-aq jobaǵa ár túrli sala sarapshylary komandalar­dyń tálimgerleri retinde qatysa alady. Bul úshin Datathon.kz saıtynda tálimgerlerge arnalǵan jeke ótinish formasyn toltyrý qajet.

«Qazdatathon baıqaýy data driven sheshimderin qabyldaý úshin derekterdi basqarý jáne tal­daý mádenıetin qurýda negiz bolý­ǵa tıis. Bul ásirese jas maman­dar úshin mańyzdy. Konkýrs qatysý­shy­lary bolashaqta ózderine paıdaly bolatyn biregeı tájirıbe ala­dy dep úmittenemiz», deıdi Ult­tyq banktiń Tólem jáne qarjy teh­nologııalaryn damytý or­ta­ly­ǵynyń tóraǵasy Bınur Jalenov.

Konkýrs jeńimpazdary men júldegerleri demeýshiler atynan elektronıka dúkenderine syı­lyq sertıfıkattaryn, derek­terdi taldaýǵa arnalǵan «Qlik» baǵdarlamasynyń jyldyq lısenzııasyn, bıznes-analıtıka boıynsha kitaptar, sondaı-aq kon­kýrsty uıymdastyrýshylar qurylymynda taǵylymdamadan ótý múmkindigin alady. Sondaı-aq, jeńimpaz komandaǵa naqty derekter negizinde jobany iske asyrý múmkindigi beriledi.