Eki aıda – eki úshem

Oblystyq perınataldyq or­ta­­­lyqta 6 qyrkúıekte Aıangúl Sá­bı­tova úsh uldy ómirge ákeldi. Sá­bılerdiń ekeýiniń salmaǵy 1800, al úshin­shisiniń salmaǵy 2200 gr bol­ǵan. Ákesi men sheshesi jańa týǵan sábılerge Ahmad, Batyrhan, Ismaıl esimin bergen.

– Buryn meniń de, áıelim Aıan­gúl­diń de otbasynda úshem ómir­ge kelmegen. Biz úshem dúnıege ke­le­tinin alǵash estigende, árıne, qýa­nyshymyzda shek bolmady. Bul – qudireti kúshti Allanyń bizge bergen úlken syıy, – deıdi úsh uldyń ákesi Eset Qumar.

Endi mine, 8 qarashada Atyraý qalalyq perzenthanasynda taǵy bir úshem ómirge keldi. Endi Murat Sul­tanovtyń otbasy eki qyz, bir ulmen tolyǵyp otyr. Eki qyzdyń salmaǵy – 1750, 1630, uldyń salmaǵy – 1960 gr.

– Bizdiń áýlette úshem de, egiz de bolǵan. Meniń atam Berishqalı júrgizýshi, ájem Nursulý zaýytta aspaz bolyp jumys istegen. Ákem – otbasyndaǵy úlken bala. Ájem Nur­sulý tórt baladan soń 54 jyl buryn úshemdi – eki ul, bir qyzdy bosanǵan eken. Úshemniń syńary bolǵan aǵaıymnyń biriniń qyzynda egiz bar. Endi mine, dál sondaı qýanyshqa biz de kenelip otyrmyz. Áıelim Albına ekeýmiz 2020 jyly otbasyn qurǵan edik, – deıdi úshemniń ákesi Murat Sultanov.

Onyń da, áıeliniń de maman­dyǵy – pedagog. О́zi 2020 jyly H.Dos­­muhamedov atyndaǵy Aty­raý ýnıversıtetin alǵashqy áskerı daıyndyq pániniń muǵalimi mamandy­ǵymen bitirgen. Almaty qalasyndaǵy joǵary oqý ornyn bitirgen áıeli – deneshynyqtyrý pániniń muǵalimi. Qazir Murat Sultanov Atyraý qala­syndaǵy №38 mektep-lıseıde, áıeli Albına №33 orta mektepte tań­daǵan mamandyǵymen jumys is­teıdi.

Atyraý oblysy