Jemqorlyqtyń jolyn kesti

Departament mamandary jyl basynan beri kóliktik baqylaý ınspeksııasy, «Tobyl» ÁKK qyzmeti, kóshi-qon, TKSh jáne ózge de mańyzdy salalardaǵy sybaılas jemqorlyq táýekelderin anyqtaý maqsatynda 4 ret syrt­qy taldaý, 11 monıtorıng sharasyn ótkizgen. Nátıjesinde, jer­gilikti memlekettik organdar men uıymdarǵa normatıvtik-qu­qyq­tyq aktilerdi ózgertý týraly 123 usynys engizildi.

Antıkor qyzmeti osy jyl­dyń ekinshi jartysynan bas­tap aldyn ala ázirlengen sy­baılas jemqorlyq táýe­kel­deriniń kartasy boıynsha óńir­degi avtojoldardyń sapasyn, aýyz sýǵa qol jetkizý, mono­po­lısterdiń tarıfteri men alym­­dary sııaqty máselelerdi zer­delep shyqty. Bul baǵytta atqa­rylǵan jumystardyń nátı­je­sinde avtojoldardy jóndeý kezinde merdigerlerge zańsyz kómek kórsetý, sapasyz joldardy qabyldaý faktileri, son­daı-aq, osy salaǵa qatysty qol­danystaǵy zańnamada bir­qa­tar olqylyq bar ekeni anyq­ta­lyp otyr.

– Salynyp jatqan joldardy tekserý barysynda biz­diń qyzmetkerler jergilikti ákim­­dikterdiń sapasyz jol ýchas­kelerin qabyldaýyna jol ber­meı qalǵan jaǵdaılar jıi kezdesedi. Osynyń nátıjesinde, 169,5 mln teńge memleket qar­jy­syn bos shyǵyndaýdyń aldyn aldyq. Halyqty aýyz sýmen qamtamasyz etýge qatysty máseleler de az emes. Bul salada bıýdjet qarajatynyń utymsyz jumsalýy, birkelki bólin­beýi, merdigerlerdiń ózde­rine senip tapsyrylǵan ju­mys­ty ýaqtyly oryndaı almaýy nemese sapasyz oryndaýy oryn alǵany anyqtaldy. Sybaılas jemqorlyqqa qarsy qyzmet ókilderiniń aralasýymen jekelegen sýmen jabdyqtaý nysandarynda toqtap qalǵan jumystar qaıta jandanyp, on­da­ǵy kemshilikterdi joıý bo­ıyn­sha sharalar qabyldandy. Olar­ǵa negizsiz tólengen 26 mln teńge memleketke qaıta­ryl­dy. Sý qubyrlaryn salý jos­par­lary qaıta pysyq­taldy, – dedi oblystyq sybaı­las jemqorlyqqa qarsy is-qı­myl depar­tamentiniń basshysy Baýyrjan Uzynjas.

Jemqorlyqqa qarsy qyzmet QTJ kompanııalarynyń júk vagondary qyzmetin usyný tár­tibine de taldaý jasaǵan. О́ıt­keni buǵan deıin kásipkerler atal­ǵan salaǵa qatysty birne­she ret shaǵym túsiripti. Jedel keńeste kásipkerlerden vagondardy kezekten tys bergeni úshin aqsha alǵan QTJ fılıaly – «Qaztemirtrans» AQ-nyń basshysy B.Ýsabekovke qatysty qylmystyq is týraly áńgime boldy. Sot B.Ýsabekovti 6 jyl merzimge bas bostandyǵynan aıyrý týraly úkim shyǵarǵan. Antıkor qyzmetkerleri mundaı qylmystyń alǵysharttaryn zerdeleı kelip, temir jol salasynda on shaqty sybaılas jemqorlyq táýekelderiniń oryn alǵanyna kóz jetkizip, vagondardy bólý kezinde kásipkerlerge tosqaýyl keltiretin jasandy kedergilerdi anyqtaǵan.

Osylaısha, anyqtalǵan jem­qorlyq táýekelderi týraly derek «Qazaqstan temir joly «UK» AQ basshylyǵyna jetkiziledi. Búginde aksıonerlik qoǵam bas­shylyǵy quramyna QTJ mamandary men qoǵam belsendileri engen arnaıy jumys tobyn quryp, Antıkordan kelip túsken eskertýlerdi joıý jóninde jumys júrgizip jatyr.

Sonymen qatar jedel ke­ńes­te Denısov aýdanynda po­lı­­seılerdiń aýyl­sharýa­shy­lyq taýaryn ón­dirý­shilerdi bop­salaý faktileri anyq­tal­ǵa­ny týraly da sóz boldy. Mun­­­daı keleńsizdiktiń jo­lyn kesý maqsatynda oblys­tyń 5 aýda­nyndaǵy polısııa bólim­derinde basshylyq qu­ram­dy rotasııalaý júrgizilip, kúzgi jıyn-terim naýqanynda aýyl­shar­ýashylyq tehnıkalaryn tekse­rý­ge jáne negizsiz toqtatýǵa ty­ıym ­sa­lyndy.

Sondaı-aq Antıkor qyz­met­kerleri oblystaǵy qant dúmpýi kezinde qant baǵasyn ar­zandatýǵa kúsh salýdyń ornyna, jeke qulqynnyń qamymen astyrtyn kelisimge barǵan bir­­neshe jaýapty tulǵanyń zań­syz áreketterin áshkerelegen. Turaqtandyrý qoryna 3 tonna qant qaıtarylyp, Qostanaı qa­lasy ákiminiń orynbasary, «Tobyl» ÁKK basqarma tór­aǵa­synyń orynbasary, Qamys­ty aýdanynyń ákimi jazalandy. «Tobyl» ÁKK menedjeri men sklad meńgerýshisi jáne Qostanaı qalasy ákimdigi kásip­kerlik bóliminiń basshysy qyz­metterinen bosatyldy.

«Tobyl» ÁKK-ge júrgizilgen taldaý jumystarynyń nátı­je­sinde Qostanaı jáne Rýdnyı qalalarynda on shaqty jer ýchaskesiniń zańsyz berilgeni anyqtaldy. Bul máseleni retteýge baqylaýshy organdar tartylyp, nátıjesinde Rýdnyı qalasynda áleýmettik-kásip­kerlik korporasııa tarapynan zańsyz berilgen 6 jer ýchas­ke­si qaıtarylǵan. Qostanaı qala­synda 18 ýchaskege qatysty tekserý jumystary júrip jatyr.

Keńes otyrysynda memle­ket­tik satyp alý salasynda da jemqorlyq táýekelderiniń bar ekeni sóz boldy. Antıkor mamandary birneshe memlekettik mekemege satyp alý baǵasyn qaı­­ta qaraý týraly usynym ji­ber­­gen. Osynyń nátıjesinde, 201 mln teńge qazyna qarajaty únem­deldi.

Departament basshylyǵynyń málimetinshe, bıyl sybaılas jemqorlyq oqıǵalary týraly habar jetkizgen 3 adamǵa jalpy kólemi 1 mln 290 545 teńge syıaqy berilgen.

Qostanaı oblysy