Jalǵan habarlama jarǵa jyǵady

Qylmystyq kodekstiń 273-ba­b­y­na sáıkes terrorızm aktisi týraly jalǵan habarlama tarat­qa­ny úshin bes myń aılyq eseptik kórsetkishke deıingi mólsherde aıyppul (búgingi kúni – 14,5 mln teńge) ne sol mólsherde tú­zeý jumystary túrindegi jaza, sondaı-aq bes jylǵa deıingi mer­zimge shekteý nemese bas bostan­dy­ǵynan aıyrý kózdelgen.

Jyl basynan beri elimizde osyndaı faktiler boıynsha 138 qylmystyq is qozǵalsa, 20 qyl­mys­tyq is sotqa jiberilgen. Osy qylmysy úshin 34 adam ustalyp, onyń 17-si jazanyń ártúrli túrlerine kesildi. Onyń ishinde, bas bostandyǵynan aıyrylǵan – 8, bas bostandyǵy shektelgen – 5, shartty túrdegi jazaǵa tartylǵan 2 adam bar. Taǵy bir adamǵa aıyp­pul salynǵan.

Aıyptalýshylardyń birine sot sheshimimen medısınalyq sıpattaǵy májbúrleý sharala­ry qoldanyldy. Sondaı-aq qyl­mystyq jaýaptylyq jasyna jet­­pegen bir jasóspirimniń ata-anasyna aıyppul salynyp, olar ákimshilik jaýapkershilikke tar­tyldy. Bul qylmys úshin 14 jasqa tolǵan jetkinshekter qyl­mystyq jaýapkershilikke tar­tylady, sondyqtan bul eskertýdi mek­tep oqýshylary da este us­taýy kerek.

Sonymen qatar sot sheshimi negizinde shyǵyndar men osyndaı habarlamadan keltirilgen barlyq zalal ótelýge tıis. Arnaıy qyz­metterdiń mundaı jalǵan shaqy­rýlarǵa bir shyǵýyna 300 myń teńgege deıingi qarjysy jum­sa­lady, al kásiporyndar men uıymdardyń toqtap qalýynan kelgen zalal mıllıondaǵan teń­gemen esepteledi. Eger mun­daı áreketterdi kámeletke tol­ma­ǵan­dar jasasa, zalaldy óteý olar­dyń ata-analaryna nemese zań­dy ókilderine júkteletinin atap ótken jón.