Tutynýshylar shaǵymy

Shaǵymdardyń basym bóligi bólshek saýda, turmystyq qyz­met­ter, elektrondyq kom­mer­sııaǵa qatysty. Osy­laısha, talap pen tártipke baǵynbaıtyn kásipkerler el turǵyndaryn óz quqyqtaryn qorǵaýǵa májbúr etip otyr. О́ıtkeni sapasyz ónim úshin aqshany qaıtarýdan, ony aıyrbastaýdan, jóndeýden, ónim týraly senimdi aqparat berýden bas tartatyn kásipkerler kóp.

Komıtettiń habarlaýynsha, bir aptada kelip túsken sha­ǵym­dar boıynsha 331 tuty­ný­shyǵa (ótinishterdiń jalpy sanynyń 54 paıyzy) quqyqtyq kómek kórsetilgen. 274 shaǵym qan­a­ǵattandyrylyp, 87-si mem­le­kettik organdarǵa qaıta jibe­ril­gen. Sondaı-aq bir apta ishinde sotqa 1 talap qoıylyp, 1 eskertý shyǵaryldy. Tórt jaǵdaıda taraptar ymyraǵa kelgen. Tu­ty­nýshylarǵa vedomstvonyń kó­megimen 36 mln teńgeden astam qarajat qaıtaryldy.

Máselen, elordalyq bir top tur­ǵyn ózderi turatyn úıde qu­rylys salýshy tarapynan ket­ken birqatar kemshilikti anyq­­tapty. Turǵyndar qalalyq tu­tynýshylardyń quqyqtaryn qorǵaý departamentine jú­gin­gen. Departament tur­ǵyn­dardyń atynan sotqa shaǵym túsirdi. Osydan keıin ǵana qurylys salýshylar turǵyn úı keshenindegi kemshilikterdi ret­teýge kirisken. Olardyń shy­­ǵyny 10 mln teńgege baǵa­landy. Turǵyndardyń talaptary qanaǵattandyryldy.

Taǵy bir mysal. Batys Qazaq­stan oblysynan kelgen turǵynǵa avtosalon sapasyz avtokólikti 18 mln teń­ge­den astam somaǵa satqan. Sondaı-aq klıentke 300 myń teń­gege qosymsha jabdyq satyp alýǵa májbúrlegen. Er adam aýmaqtyq departamentke shaǵym túsiripti. Shaǵym ıesine satýshyǵa shaǵymdanýǵa kómek kórsetilgen. Nátıjesinde mashına tıisti sapadaǵy avtokólikke aýystyrylyp, qosymsha jab­dyq úshin tólengen qarajat keri qaıtarylǵan.

Massaj halattarynyń tu­saý­ke­serine qatysqan Jambyl ob­ly­synyń turǵyny 917,7 myń teńgege taýar satyp alady. Biraq keıinnen satyp alǵan taýarynan bas tartqan. Kompanııa aqshany qaıtarǵysy kelmepti. Biraq oblystyq departamenttiń zańdy qoldaýynyń nátıjesinde satyp alýshyǵa ónimniń tolyq quny qaıtarylǵan.

Mine, kúndelikti turmysta mundaı mysaldardy kóptep kez­­destirýge bolady. Kóbinese qa­­zaq­standyqtar turmystyq jáne keńse tehnıkasyn satyp alýda shalys basady eken. О́ki­­nishke qaraı, bul bá­ri­miz­diń basymyzdan ótetin jaǵ­daı jáne odan eshkim de saq­tan­dyrylmaǵan. Sondyqtan mun­daı jaǵdaıda shataspaý, tıi­sin­she óz quqyqtaryn batyl qorǵaý ma­ńyzdy.

Aıtpaqshy, tutyný quqy­ǵyn buzý týraly shaǵymdy E-tutynushy onlaın-servısi ar­qyly joldaýǵa bolady. Ko­mıtet mamandarynyń kon­sýl­ta­­sııasy tegin «jedel jeli» telefondary arqyly júzege asyrylady: 8-7172-74-98-32, 8-7172-74-98-36.