Ekologııa, geologııa jáne tabıǵı resýrstar mınıstri Serikqalı Brekeshev «Arselor Mıttal Temirtaý» kompanııasyna qandaı talaptar qoıylatynyn atap ótti, dep habarlaıdy Egemen.kz.
«Bizdiń maqsatymyz – 2025 jylǵa qaraı «Arselor Mıttal Temirtaý» shyǵynyn 20 paıyzǵa azaıtý. Osyǵan sáıkes bizge tapsyrylǵan qujattarda olar naqty qyzmet túrlerin kórsetýi kerek. Naqty sheshimder bolmasa, biz olarǵa ekologııalyq ruqsat bermeımiz», dep jaýap berdi Serikqalı Brekeshev jýrnalıst qoıǵan saýalǵa.
Sondaı-aq ol aldaǵy sársenbide Qaraǵandy oblysynyń turǵyndarymen kezdesetinin aıtty. Sapar aıasynda Temirtaýda úlken jıyn ótedi. Onda «Arselor Mıttal Temirtaý» jáne ekologııaǵa qatysty máseleler talqylanady.