Jetisý oblysyndaǵy fızıka-matematıka baǵytyndaǵy Nazarbaev zııatkerlik mektebinde jas pedagogterge arnalǵan «Jas ustaz: tabysqa aparar jol» atty aımaqtyq forým uıymdastyryldy. Forýmǵa 130-dan asa jas maman qatysty.
Jastarǵa ómirlik tájirıbelerimen bólisý úshin Jetisý oblysy bilim basqarmasynyń basshysy Aıjan Adambekova, «Future-IT» robottehnıka mektebiniń jetekshisi Damır Nurkejanov, «Zhetysu University» ımıdj ortalyǵynyń dırektory Damır Dıgaı shaqyryldy.
«Jas ustaz: tabysqa aparar jol» aımaqtyq forýmy – óte mańyzdy is-shara. Oblys boıynsha bizde 1 800-den asa jas ustaz bar. Sonyń ishinde bıylǵy oqý jylynda 600 jas ustaz keldi. Forým qatysýshylary bir-birimen aralasyp, tájirıbe almasyp, jańa ıdeıa alyp jáne tabysqa qalaı jetýge bolady degen suraqtaryna jaýap ala alady degen senimdemin», dedi A.Adambekova.
Forýmǵa qatysýshylar taqyryptyq alańdarda bas qosyp, «Sabaq qurastyrý: jınaqtaımyz jáne qoldanamyz», «Fýnksıonaldy saýatsyzdyq: tapshylyqty qalaı toltyrýǵa bolady?», «Inklıýzıvti bilim: janama tájirıbeden óz is-áreketine deıin», «Oqytýda AKT-ny tıimdi paıdalaný» syndy ózekti máselelerdi qozǵaǵan jıyndarda bas qosty. Sonymen qatar «Emosııalyq mádenıet» trenıngi, jas ustazdardyń sheberlik sabaqtary, ACTIVE SPOT uıymdastyryldy.
«Qazirgi kezde kásibı deńgeıi joǵary mamandar daıarlap shyǵarý qandaı ózekti másele bolsa, jas mamandarǵa qoldaý kórsetý – dál sondaı kókeıkesti másele. Bul maqsatqa jetýdiń tıimdi tetikteriniń biri aldyńǵy tolqyn aǵalardyń keıingi tolqyndy tárbıeleý isi ekeninde daý joq», dedi Taldyqorǵan qalasyndaǵy Pedagogıkalyq sheberlik ortalyǵy fılıalynyń aǵa menedjeri Gaýhar Qazyǵulova.
Forým jas ustazdardyń mektepte oqytýdyń qazirgi zamanǵy úrdisterin talqylaý, zııatkerlik daǵdylardy damytý jáne sıfrlyq múmkindikterdi tanymal etý úshin biryńǵaı alańǵa aınalyp úlgerdi. О́ıtkeni forým muǵalimderdiń kásibı turǵyda tabysty bolýyna baǵdar jasap, olardy únemi oqýǵa jáne damýǵa yntalandyrady.
«Forým óte jaqsy ótti. Psıhologııalyq, emosıonaldyq turǵyda oqýshylarmen jumys, ózimizge kerekti onlaın platformalardy, oqýshylardyń ǵylymı-shyǵarmashylyq, zertteýshilik izdenisin qalyptastyrý joldaryn bildik. Pedagogıkalyq sheberhanalarǵa qatysyp, tájirıbeler panoramasynyń túrli taqyryptaǵy mazmunymen tanystym», dedi Kóksý aýdanyndaǵy Bıǵaısha Quntaqbaeva atyndaǵy orta mekteptiń fızıka páni muǵalimi Aslan Rafıkov.
Elimizdiń barlyq Nazarbaev zııatkerlik mektepteriniń bazasynda jalpy bilim beretin mektepterden 3 myńnan asa jas maman qatysty.
Jetisý oblysy