«Altyn Juldyzdy» ustaz aýyl balalarymen kezdesti

Kezdesýdi osy mekteptiń al­ǵashqy áskerı daıyndyq pániniń muǵalimi Janbol О́mirzaqov uıym­dastardy. Al óziniń eń­bek jolyn aýyl mektebinde peda­­gog-uıymdastyrýshy bolyp bastaǵan, qazir Almaty qala­sy Medeý aýdany J.Jabaev atyn­daǵy №161 lıseı dırektory, Y.Altynsarın tósbelgisiniń ıegeri, halyqaralyq Jambyl syılyǵynyń laýreaty Roza Su­ran­shıeva ardaqty ustaz Aıagúl Mırazovaǵa jol bastap kel­di. Aýyl mektebine alǵash aıaq basqan qurmetti qonaqtardy ustaz­dar men oqýshylar Sholpan Qısymbetovanyń «Aıagúlim» ánimen qoshemettep qarsy aldy. Oqýshylar mektep, ustaz týraly jyr-shýmaqtaryn arnasa, dombyra orkestri Nurǵısa Tilendıevtiń «Álqıssa» kúıin tamyljyta oryn­dap, myń buralǵan bıshi qyzdar «Qazaq bıin» ulttyq tanym-talǵamǵa saı kórkemdedi.

Mektep ishin aralaǵan qadirli ustazdarǵa 10-synyp oqýshysy Sabyrjan Álibek «STEM» kabı­neti týraly aǵylshyn tilinde áńgimelep berip, balalardyń qolynan shyqqan túrli robottardy tanystyrdy. Kabınettiń jasaqtalýy men oqýshylardyń jumysyna rıza bolǵan ulaǵatty ustaz robot tehnıkasy sabaǵy oqýshynyń oı-órisin damytyp, oqyp, úırenip, zertteýler júrgizip, óz jobalaryn jú­zege asyrýǵa múmkindik be­re­tinin aıtty. Munan keıin mek­teptiń 1980 jylǵy túlegi, ınternasıonalıst-jaýynger, «Qy­zyl Juldyz» ordeniniń ıegeri, Aýǵan soǵysynda erlikpen qa­za tap­­qan Serik Áshimovtiń mura­jaıymen oqýshylar tanystyryp, erlik jaıynda maǵlumat ber­di. Al Aıagúl Tóreqyzy mura­jaıdyń «Tilek buryshyna» óz qoltańbasyn qaldyrdy.

Jalpy, aýyl mektebindegi áskerı-patrıottyq tárbıeniń jaqsy jolǵa qoıylǵanyn Aıagúl Tóreqyzy áskerı jetekshi Jan­­­bol Toqtasynulynyń a­l­ǵash­­­qy áskerı daıyndyq ka­bı­ne­tin aralap kórgendegi alǵan áserinen ańǵarýǵa bola­dy. Ulttyq qun­dy­lyqtar negi­zinde otan­shyl­dyqqa, jeke tulǵa­ny jan-jaqty, ultjandy, qaharmandyq rýhta, adamgershilik qasıetterge baýlý dál osy ból­meden bastaý alyp turǵandaı kórinedi. Áskerı kabınetti aralap kór­gende adamdar ózderin mura­jaıda júrgendeı sezinedi. Bir aıta ketetin jaıt, ınternasıonalıst-jaýynger Serik Áshimovke arnalǵan murajaı men oqýshylar bilim alatyn al­ǵashqy áskerı daıyndyq kabı­netindegi týlar, vympeldar, sý­retter, kórnekilikterdi Jan­bol Toqtasynuly óziniń jeke qarajatyna jasaǵan. Mekteppen tanysqan Aıagúl Tóreqyzy ózi basqarǵan kezdegi bilim orda­synyń jetistikterin, ulttyq mek­­tep týraly, ustaz baqyty tóńi­reginde syr-suhbat kezinde su­raq­tarǵa jaýap berdi.

О́z kezeginde Beriktas aýy­lyn­­daǵy orta mektep dırekto­ry Raıgúl Amanqulova bul kez­desýdiń ustazdar men oqý­shy­lar úshin óte áserli bolǵanyn, tár­bıelik mániniń zor ekenin tilge tıek etip Aıagúl Tóreqyzyna alǵy­­syn bildirdi. Al aýyl ákimi Sandýǵash Moldaǵalyqova qur­metti qonaqtarǵa degen ystyq iltı­patyn aıtyp, is-sharany túıindedi.

Almaty oblysy