Qazaqstan Prezıdenti Qasym-Jomart Toqaev Túrki memleketteri uıymy basshylarynyń sammıtinde Astana Hub halyqaralyq tehnoparkiniń bazasynda Sıfrlandyrý ortalyǵyn qurýdy usyndy.
«Qazirgi geosaıası jaǵdaıda elder tehnologııa jaǵynan bir-birinen oqshaýlanyp barady. Sondyqtan túrki elderiniń IT salasyndaǵy sońǵy jańalyqtaryna jiti nazar aýdarý kerek. Bul bizdiń sıfrlyq damýymyzǵa jol ashady», dedi Q.Toqaev.
Qazaqstan Prezıdenti taıaýda Astanada «Digital Bridge» atty halyqaralyq is-shara ótkenin, onda IT salasynda jumys isteıtin kreatıvti jastar ozyq ıdeıalaryn usynǵanyn jetkizdi. «Memleketterimizdiń IT habtary arasyndaǵy ózara is-qımyl týraly memorandýmǵa qol qoıyldy. Osy rette men Astana hab halyqaralyq tehnoparki negizinde Túrki memleketteri uıymynyń sıfrlandyrý ortalyǵyn qurýdy usynamyn. Bul qurylym saýda, kólik, sý resýrstary, aqparattyq qaýipsizdik jáne basqa da salalarǵa qajetti sıfrlyq sheshimder ázirleýge múmkindik beredi», dedi Q.Toqaev.