ASTANA. 29 mamyr. Búgin «Nur Otan» partııasy tóraǵasynyń birinshi orynbasary Baýyrjan Baıbek Keden odaǵy kóptegen pozısııalar boıynsha álemde jetekshi orynǵa ıe bolyp kele jatqanyn málimdedi.Bul týraly BNews.kz tilshisi habarlady.
«Keden odaǵy kóptegen pozısııalar boıynsha álemde jetekshi oryndarda tur. Atap aıtar bolsaq, munaı men gazdy óndirý boıynsha 1-orynǵa, mıneraldy tyńaıtqyshtar óndirýde 2-orynǵa, elektr energııasy boıynsha 3-orynǵa, bıdaı, kómir jáne bolat óndirisi boıynsha 4-orynǵa shyqty. Onyń ústine, quryltaıshy memleketterdiń biri – Reseı altyn-valıýta qorlarynyń kólemi boıynsha 3-orynda, al ekonomıkasy boıynsha 5-orynda keledi», - dedi ol.
Partııa jetekshisiniń orynbasary osy sózdiń oraıynda Qazaqstan Eýrazııalyq ekonomıkalyq odaqqa kirý arqyly burynǵy 17 mıllıondyq naryǵynyń ornyna odan 9 ese úlken, 153 mıllıon adamdyq turǵyny bar jańa naryqqa shyǵatyndyǵyn tilge tıek etti.
Murat Aıtqoja.
Derekkóz: BNews.kz.
Foto: agencyrating.kz.