Túrkistan mýzykalyq drama teatrynyń qorjyny taǵy bir tamasha týyndymen tolyqty. Demalys kúnderi mýzykalyq drama teatr jas dramatýrg Almas Núsiptiń pesasyna qoıylǵan «Maǵjan» spektakliniń premerasyn kórermenge usyndy.
Kórermen spektaklden jas Maǵjannyń, ómirge ǵashyq Maǵjannyń, eliniń aýyr hali úshin sheksiz azap shekken, basyn qaterge tikken Maǵjannyń jáne birneshe márte genosıdke ushyraǵan qazaq halqynyń aýyr taǵdyryn kórdi. Eki kún qatarynan qoıylǵan spektakl talǵamy bıik kórermen kóńilinen shyqty. Elimizge tanymal Erkebulan Daıyrov, Zarına Karmen, Alı Marat syndy teatr ártisteri uly aqyn, ǵalym, aýdarmashy, Alash qozǵalysynyń qaıratkeri Maǵjan Jumabaevtyń taǵdyryn, sol kezdegi qazaq halqynyń tirshiligin kórermenge jetkize bildi. Týyndynyń qoıýshy rejısseri – Davıde Lıvermor, rejısseri – Chiara Ocella. Al Maǵjan beınesin belgili, talantty ártis Erkebulan Daıyrov somdady. Rólderde oınaǵan akterlerdiń deni jastar. Maǵjan aqyn ózi jyrlap ótkendeı «Men jastarǵa senemin» ıdeıasy teatr sahnasynda jalǵasyn tapty.
Aıta ketelik, Túrkistanda mádenıet pen ónerge qumar qaýym eselep kóbeıýde. Sonyń bir dáleli – «Maǵjan» spektakline bılet tolyq satylyp ketken. Basqa qalalardan da kelgen kórermen kóp. О́nersúıer qaýym tar zamanǵa saıahattady, kúızeldi, Alash ardaqtylarynyń ultty saqtap qalý jolyndaǵy arpalysyn kórdi, oı túıdi, ultqa qyzmet qandaı bolatynyn ańǵardy. Iаǵnı Túrkistan mýzykalyq drama teatry uly aqyn, qaıratker Maǵjan Jumabaevtyń bolmysyn asha bildi.
TÚRKISTAN