Konstıtýsııalyq reforma saıası júıemizdiń qyzmet etýiniń múlde jańa standarttaryn belgileıdi, memleket pen qoǵam arasyndaǵy qarym-qatynasty jańasha aıqyndaıdy. Bul týraly Prezıdent Almaty jurtshylyǵymen kezdesýde aıtty, dep habarlaıdy Egemen.kz.
«Naýryzda men memlekettiń negizgi ınstıtýttaryn qaıta iske qosýǵa baǵyttalǵan saıası jańǵyrtýdyń aýqymdy baǵdarlamasyn usyndym. Maýsym aıynda ótken jalpyhalyqtyq referendýmda halqymyz taǵy da birligin tanytyp, Konstıtýsııaǵa engizilgen ózgeristerdi qoldady. Konstıtýsııalyq reforma saıası júıemizdiń qyzmet etýiniń múlde jańa standarttaryn belgileıdi, memleket pen qoǵam arasyndaǵy qarym-qatynasty jańasha aıqyndaıdy», dedi Memleket basshysy.
Prezıdenttiń aıtýynsha, bul burynǵy barlyq qaıta qurýlardyń jalǵasy jáne memlekettigimizdi odan ári nyǵaıtýdyń berik irgetasy.
«Konstıtýsııalyq reformany is júzinde júzege asyrý aıasynda 5 qarashada taıaý kúnderi kúshine enetin birqatar irgeli zańǵa kópshilik aldynda qol qoıdym. Biz jer men barlyq tabıǵı resýrstar halyqqa tıesili degen prınsıpti mańyzdy normany bekittik. Sondaı-aq aralas saılaý júıesine kóshýdi bekittik. Osynyń barlyǵy memlekettiń turaqty damýyna, azamattyq qoǵamnyń progressıvti ilgerileýine jáne halyqtyń ál-aýqatyn odan ári jaqsartýǵa jaǵdaı jasaıdy», dep qosty ol.