KASE Qazaqstan qor bırjasy 15:30-daǵy jaǵdaı boıynsha dollardyń ortasha ólshengen baǵamy 459,35 teńgeni qurap, 1,44 teńgege tómendegenin habarlady, dep jazady Egemen.kz.
Qytaı ıýaniniń ortasha ólshengen baǵamy tómendep, 64,88 teńgeni (-0,73) qurady.
Eýro jáne Reseı rýbli boıynsha saýda-sattyq júrgizilgen joq. Ulttyq bank eýro baǵamyn 479,43 teńgege, rýbldi - 7,64 teńgege belgiledi.
Aıyrbastaý pýnktterinde dollardy - 460-465 teńgeden, eýrony - 472-478 teńgeden, reseı rýblin - 7,23-7,4 teńgeden satyp alady/satady.
Sonymen qatar 16 qarashadaǵy saýda-sattyq barysynda álemdik munaı baǵasy tómendedi.
Osylaısha, Brent markaly qańtar fıýchersteriniń quny 0,44%-ǵa tómendep, barreline 93,45 dollardy qurady.
Jeltoqsan WTI munaı fıýchersteriniń baǵasy 0,58%-ǵa, barreline 86,41 dollarǵa deıin tómendedi.