«Jańa adamdar» tańdaǵan jarqyn jol

«Jańa adamdar» kóp uzamaı «Jastar rýhy» jastar qanaty, Qazaqstan Jastar kongresi, Stýdentter alıansy, «Jasyl el» jumysshy jastar jasaqtary, Aýyl jastarynyń odaǵy sekildi kópke tanys irgeli uıymdardyń qatarynan tabylatynyna senimdi. О́ıtkeni qurylǵanyna kóp ýaqyt óte qoımasa da, birden Pre­zı­dent­pen kezdesý ótkizip, oılary men aldaǵy maqsat-murattaryn ortaǵa saldy.

Qazirde «Jańa adamdar» qozǵa­ly­synyń quramynda 150 belsendi jas bar. Olardyń árbiri bul jobaǵa óz ıdeıa­larymen kelip, uıymnyń múshesi atanǵan. Atalǵan uıymnyń qurylý tarıhy da qyzyq. Aldymen bir top jas jınalyp, Memleket basshysynyń ádiletti Qazaqstandy qurý týraly tezısin tal­qylap, pikir talastyrǵan.

– Bul talqylaý osy jyldyń tamyz aıynda ótken edi. Alǵash ret biraz jastyń basyn qosqan jıyn uıymdastyrdyq. Onda biz Prezıdent Qasym-Jomart Toqaevtyń Ádiletti Qazaqstan qurý týraly bastamasyn sóz ettik. Jańa Qazaqstan, Ádiletti Qazaqstan degen tuj­y­rym­da­­­ma­lardy taldap, ózimizshe sa­rap­­ta­ma jasadyq. Úkimettegi qyz­­metkerlerdiń, depýtat­tar­dyń sóılegen sózderin, pikir­le­rin de oı eleginen ótkizdik. Sol kezde sheneýnikterdiń Prezı­dent­tiń sózin birshama uzaq, tipti qarama-qaıshylyqpen tú­si­netinin baıqap, tańǵaldyq. Budan soń «Jańa Qazaqstan» degen uǵymdy ózimiz qalaı túsi­netinimizdi usynýdy jón kór­dik. Jańa Qazaqstan ózimiz­den, bireýge táýeldilikten bas tartýdan bastalady emes pe?! Jańa Qazaqstan – bul elimizdegi 19 mıllıon halyqtyń óz ómirine degen kózqarasynyń ózgerýi. Osylaısha, basqosqan barsha jastardyń oıy bir jerden shyqty, birte-birte bizdiń pikir­ta­lasymyzǵa jańa adamdar qo­syla bastady, – deıdi «Jańa adam­­dar» jastar qozǵalysynyń kóshbasshysy Ásel Bádenova.

Belsendilerdiń sany júzden asqanda uıymnyń baǵdar­la­malyq qujaty ázirlengen. Ásel­diń aıtýynsha, qujat jaqyn ara­da jarııalanyp, kópshiliktiń talqysyna salynady.

Bir aıta keterligi, «Jańa adam­dar» ókilderi erkin, oılaryn, usynys-pikirlerin búkpe­siz ashyq jetkizedi. Jas óren­der­diń oıǵa alǵan bastama, jos­parlaryn esh qymsynbastan ortaǵa salyp, pikirtalasqa túsý­­ge daıyn ekenin birden ań­ǵa­­­rýǵa bolady. Jańa Qazaq­stan, Ádiletti Qazaqstan qurý tal­­py­­­nys­tarynda jiger men ba­tyl­dyq baıqalady. Olar tipti «Jańa, Ádiletti Qazaq­standy memlekettik qyzmet­shi­ler jáne depýtattarmen birge qurǵymyz keledi», dep memle­ket­tik qyzmetke aralasqysy kele­tin­dikterin de jasyrmady.

Prezıdent aldynda sóz sóı­­­le­gen qozǵalystyń múshesi Rızabek Rashıt ózi sekildi jas­tar­dyń memlekettik qyzmet­shilerge kómek bergisi keletinin aıtqan edi. «Bizdiń basty maqsa­ty­myz – sheneýnikter men depýtattarǵa kómektesý ǵana emes, olarmen birge Ádiletti Qa­zaq­stan qurý», dedi «Jańa adamdar» ókili. Al Qasym-Jomart Toqaev: «Sheneýnikterge kómek­te­sýdiń qajeti joq shyǵar, óıtkeni olar óz jumysyn isteýi kerek. Biraq memlekettik, ult­tyq qundylyqtardy, qoǵam­da­ǵy durys uǵymdardy qalyp­tas­tyrý jastardyń ıaǵnı, siz­derdiń qoldaryńyzdan ke­le­di dep oılaımyn. Qalaı alsaq ta Qazaqstan – azamat­tyq qo­ǵam damyǵan el. Sondyqtan aza­mat­tyq qoǵamda pikirtalas­tar­dyń bolýy zańdylyq, osy pikir­talastar arqyly siz birin­shi­den memleketke paıda keltire alasyz, ekinshiden ózińizdi dálel­deýge bolady. Qalaı desek te, biz ashyq qoǵamǵa bet bu­ryp kelemiz», dep jastardyń bul ıdeıasyna oı qosty.

Qozǵalys jetekshisiniń aıtýynsha, uıymnyń maqsaty – Prezıdent Q.Toqaev bastaǵan eldegi ózgeristerdi iske asyrý.

– «Muny qalaı jasaýǵa bolady?» deseńizder, ol úshin biz Jańa Qazaqstandy qurý prosesine elimizdiń myńdaǵan jas ul-qyzyn tartqymyz keledi. Olardyń óz Otany týra­ly túsinikterin ózgertýge yq­­pal etip, el erteńi bolar órenniń qundylyqtaryn eńbek­qorlyqqa, pragmatızmge jáne kásipkerlikke qaıta beıim­degimiz keledi. Osylaısha, myń­­daǵan adamǵa júzdegen, myń jáne mıllıondaǵan jańa jas qosylaryna senimdimiz. Son­da ǵana Prezıdent bastaǵan ózgerister endi toqtamaıdy, naqty ózgerister bolady. Bizdiń maqsatymyz – Qazaqstannyń árbir azamatynyń damýy men derbestigi. Sondyqtan osy ózge­ris­ti aldymen ózimizden bastap otyrmyz, – dedi Ásel Bádenova.

Jaqyn arada «New People» toby elordada óz kampýsyn ashý­dy josparlap otyr. Onda jas­tar kóshbasshylyq pen saıa­sat salasyn zerttep, zer­de­leı­di. Kil jastardan quryl­ǵan top beınefılm, túrli jo­balar, kóshe aksııalaryn uıym­dastyrady.

– Bizdiń tobymyzǵa túıin­deme men «Men Jańa Qazaq­standy qalaı kóremin?» taqy­ry­­byn­da shyǵarmashylyq ju­mysyn jibergen kez kelgen qazaq­standyq jas qosyla alady. Bú­gingi tańda qozǵalysta bizdiń ıdeıalarymyzben bólise­tin 150 belsendi bar. 2022 jyldyń 14 qazanyn «Jańa adamdar» qozǵalysynyń naǵyz týǵan kúni dep esepteımiz. Prezıdentpen kezdesýde maq­sat-mindetterimizdi aıtyp, Mem­­­leket basshysynyń 100 pa­­ıyz qoldaýyna ıe boldyq. Pre­zıdent Almatydaǵy saparynda bizdiń kezdesýimiz týraly aıtyp, sóılegen sózderimizdi esine alǵany – biz úshin úlken qýanysh ári úlken abyroı, – dedi uıym kóshbasshysy.

– Keshe men «Jańa adamdar» jastar qozǵalysynyń ókil­derimen kezdestim. Jastar Ádi­let­ti Qazaqstandy qurý ıdeıa­­­­­symen shabyttandyrdy. Olar jańa eldi qajyrly eń­bek­­ke, Otan taǵdyryna belsene qa­ty­sýǵa negizdelgen qundy­lyq­tar júıesi jańar­tyl­ǵan adamdar qurýǵa tıis ekenine senimdi.

– Qazirgi jastar basqasha. Maǵan unaıtyny, qazirgi jas­tar­dyń kóbi memleketten kómek kútpeı, kerisinshe, óz eline paıdaly bolǵysy keledi. Árıne, Qazaqstan – áleýmettik memleket, biz óz azamattarymyzdy, ási­rese áleýmettik osal toptarǵa árqashan qoldaý kórse­tetin bolamyz. Biraq óz ál-aýqaty úshin jaýapkershilikti memleketke de, qoǵamǵa da aýda­­­rý múmkin emes.

Kúni boıy dıvanda jatyp nemese smartfonda maqsatsyz ýaqyt ótkizý arqyly jetistikke jete almaısyz. Memleket bar­ly­ǵyn qolynan ustap, oqýǵa nemese jumysqa ornalastyra almaıdy. Eshbir elde mundaı nárse joq. Sheteldik bir iri munaı-gaz kompanııasy azamattarymyzǵa laıyqty jalaqymen vahtalyq ádispen jumys isteý úshin arnaıy 1000 oryn bóldi. О́kinishke qaraı, bul usynysqa 50 adam jaýap berdi. Munyń sebebi eshkim jumys isteý úshin basqa jerlerge barǵysy kelmeıdi. Osy ýaqytta kóptegen ózge el­diń tur­ǵyndary esh oılanbas­tan shetel­derge baryp, kez kelgen ju­mysqa kirisedi.

Elimizdiń ortalyq joǵary oqý oryndarynda bilim alý úshin memleket tarapynan keı­bir óńirlerge arnaıy granttar bólinip jatyr. 10 myń grant­tyń tórtten birinen azy ıge­rildi. Memleket azamattardy jumyspen de, grantpen de qam­ta­masyz etedi, tek osy múm­kin­­dikterdi paıdalaný kerek, – dedi Prezıdent Almatydaǵy saparynda.

«Jańa adamdar» jastar qoz­ǵalysy Prezıdentpen júzde­sý­lerin Memleket basshy­synyń jastarǵa degen seniminiń belgisi dep sanaıdy. «Prezıdenttiń úmitin aqtamaýǵa quqyǵymyz joq. Aldaǵy ýaqytta josparymyz da, tyndyrar jumysymyz da kóp. Barlyq el boıynsha kampýstarymyzdy ashamyz. Kelesi jazda Prezıdentpen taǵy da kez­desip, Qasym-Jomart Toqaevqa ta­bystarymyz týraly aıtyp beretin bolyp kelistik», dedi Ásel Bádenova.