Prezıdent saılaýyna oppozısııadan túsip jatqan jalǵyz kandıdat – Nurlan Áýesbaevtyń saılaýaldy baǵdarlamasyn túsindirý maqsatyndaǵy úgit-nasıhat jumystary Qazaqstannyń barlyq óńirinde qyzý júrgizilý ústinde.
Jalpyulttyq sosıal-demokratııalyq partııasynyń tóraǵasy Ashat Rahımjanovtyń aıtýynsha, saılaýaldy naýqan aıasynda 60-qa jýyq is-shara ótkizý kózdelgen. Búginde JSDP-dan úmitker elimizdiń birqatar óńirinde saılaýshylarmen – eńbek ujymdary, aýyl turǵyndary, ShOB ókilderi, shyǵarmashylyq zııaly qaýym, stýdentter jáne halyqtyń basqa da toptarymen kezdesýler ótkizýde.
«Úgit nasıhat jumysy bastalǵan ýaqyttan beri saılaýaldy shtab birqatar is-shara ótkizip, birqatar óńirge saparmen bardy. Atap aıtqanda, Nurlan Áýesbaev Qaraǵandy, Aqtóbe, Aqmola, Batys Qazaqstan oblystarynda, Shymkent jáne Almaty qalalarynda kezdesýler ótkizdi. Odan bólek, birqatar aýyldyq eldi mekenderdiń turǵyndarymen júzdesti», dep habarlady Ashat Rahımjanov.
Buǵan qosa, ol aımaqtyq saılaýaldy shtabtar Qazaqstan boıynsha 30-dan astam úgit-nasıhat sharasyn ótkizgenin atap ótti.
Atap aıtqanda, 5 qarashada JSDP-dan kandıdat Respýblıkalyq saılaýaldy shtabtyń uıymdastyrýymen ótken tyǵyz qurylysqa qarsy beıbit mıtıngige qatysty. Atalǵan taqyryp iri qalalardyń turǵyndaryn alańdatatyn ózekti máseleniń biri ekenin atap ótken jón. Nurlan Áýesbaev saılaýaldy baǵdarlamasynda qurylys máselesine basa nazar aýdaryp otyr. Atap aıtqanda, ol turǵyn úı baǵdarlamalaryn tolyqtaı qaıta qarastyrmaq. Onyń pikirinshe, qazirgi kezde baǵdarlamalar qurylys salýshylardyń múddesine ári qaltasyna jumys isteýde. Bul jaǵdaı turǵyn úıdiń qymbattaýy men ár bos telimge úı salý nıetine ákep soqtyryp jatyr. Sondyqtan JSDP úmitkeri qoljetimdi ıpotekalardy sýbsıdııalaýdy jalǵastyryp, bólinetin bıýdjetti jergilikti máslıhattyń qadaǵalaýymen jumsaýdy josparlap otyr.
Mıtıngige qatysqan belsendiler men partııalyqtar rezolıýsııa qabyldady, onda JSDP turǵyn úı keshenderimen qatar, balabaqsha, mektep, aýrýhana, saıabaq qurylysyn mindetteıtini atap ótilgen.
Eske sala keteıik, N.Áýesbaevtyń saılaýaldy baǵdarlamasynda halyqtyń áleýmettik áleýetin kóterýmen qatar, elde saıası reforma júrgizý, onyń ishinde olıgarhat pen jemqorlyqpen kúres máselesine erekshe kóńil bólingen.
Kandıdat egjeı-tegjeı tergeý júrgizip, urlanǵan jáne offshorlarǵa shyǵarylǵannyń bárin, sondaı-aq jekemenshikke ótip ketken kompanııalardy memleketke qaıtaryp, Qazaqstanda olıgarhııalyq kapıtalızmniń ornyna halyqtyq ekonomıka ornatý kerek dep esepteıdi.
Sonymen qatar paraqorlarǵa jazany maksımaldy túrde qatańdatyp, olardyń túrmeden merziminen buryn bosaýyna tosqaýyl qoıyp, jemqorlyqpen kúresti kúsheıtý kerek degen pikirde.
Nurlan Áýesbaevtyń pikirinshe, Qazaqstan saıası reforma jasap, halyqtyq ekonomıkany ornatý arqyly memlekettiń ekonomıkalyq gúldenýine jaǵdaı jasaı alady.
Qazaqstan Respýblıkasynyń Prezıdenttiginen úmitker N.S.Áýesbaevtyń saılaýaldy shtaby ázirledi. Tapsyrys berýshi: N.S.Áýesbaev. Qazaqstan Respýblıkasynyń Prezıdenttiginen úmitker N.S.Áýesbaevtyń saılaý qorynyń qarjysynan tólendi