Alda kele jatqan kezekten tys prezıdent saılaýynda Almaty turǵyndary tirkeýde bar-joǵyna qaramastan, daýys bere alady. Zańnamada ýaqytsha nemese turaqty tirkelgen azamattar daýys bere alatyny anyq jazylǵan.
Qazirgi saılaý naýqanyna deıin turaqty tirkeýi joq qazaqstandyqtardyń daýys berýine jol berilmeı keldi. Úkimet qaýlysymen ishki mıgranttardy tirkeý qaǵıdalaryna ózgerister engizildi, bul azamattardyń tipti saılaý kúni tikeleı saılaý ýchaskesinde tirkelýine múmkindik beredi.
«Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýsııalyq zańyna sáıkes azamatty saılaý quqyǵyn júzege asyrý jáne saılaýshylar tizimine engizý maqsatynda turǵylyqty jeri boıynsha tirkeýden shyǵarylǵan adamdardy tirkeý turǵyn úı, ǵımarat nemese úı-jaı ıesiniń ótinishi negizinde daýys berý kúni saılaý ýchaskesiniń mekenjaıy boıynsha ǵımaratqa nemese úı-jaıǵa tirkeýge ruqsat etiledi», delingen ishki mıgranttardy tirkeýdiń jańartylǵan qaǵıdalarynda.
Osylaısha, tirkeýi joq almatylyqtar men basqa óńirlerdiń turǵyndary 20 qarasha kúni saılaýda daýys bere alady.
Saılaý kúni árbir aýdanda arnaıy ýchaskelik saılaý komıssııalary jumys isteıdi, olar arqyly daýys berý úshin bir kúnge tirkelýge bolady. Kelesi kúni, 21 qarashada júıe saılaý ýchaskesiniń mekenjaıy boıynsha tirkelgen azamattardy esepten shyǵarady. Saılaý kúni Almatyda 55 saılaý ýchaskesi jumys isteıdi, qalada tirkeýi joq bolǵan jaǵdaıda olarǵa tirkelip, daýys berýge bolady. Bul týraly О́KQ brıfınginde Almaty qalasy aýmaqtyq saılaý komıssııasynyń tóraıymy Janna Asanova málimdedi.
ALMATY