Stepnogor qalasynda sportty jany súıetinder úshin jaqsy jaǵdaı jasalǵan. Búginde qala turǵyndary qamqorlyqtyń ıgiligin kórip otyr.
Stepnogor qalasynda múgedekterge arnalǵan demalys ortalyǵy ashyldy. 260 sharshy metrlik sport zaly arnaıy kópfýnksıonaldy trenajerlarmen, júgirý joldarymen jabdyqtalǵan, sonymen qatar tennıske arnalǵan ústelder bar. Kún saıyn keste boıynsha 20-ǵa jýyq adam aınalysady.
– Jyl saıyn kásibı sportpen shuǵyldanǵysy keletinderdiń sany kóbeıip keledi. Bıyl aramyzdan 5 sport sheberi men sport sheberine úmitker shyqty. Biz balalardy áli qabyldaı almaımyz, olarǵa «Speshıal Olımpıks» jeke baǵdarlamasy qajet, – dep qala ákiminiń múgedektigi bar adamdar máseleleri jónindegi keńesshisi Stanıslav Muhamadıev qamqorlyqtan qaǵys qaldyrmaǵan janashyrlarǵa óz alǵysyn bildirdi.
Osy bir jaǵymdy jańalyq jalǵasyn taýyp, qaladaǵy altynshy shaǵyn aýdannyń aýmaǵy abattandyryldy. Jazǵy kezeńde jalpy aýdany 11,5 myń sharshy metr, uzyndyǵy 750 metrlik tórt balalar alańy, fýtbol jáne voleıbol alańdary, vorkaýt aımaǵy jasalyp, trotýarlar salyndy, joldar asfalttalyp, turaq oryndary ulǵaıtyldy.
Sóz arasynda shaǵyn qala úshinshi jyl qatarynan qarqyndy damyp kele jatqandyǵyn aıta ketýimiz kerek. Bul jumys áli de jalǵasyn tabatyn bolady.
Aqmola oblysy,
Stepnogor qalasy