Jazylý naýqany júrip jatyr

«Egemen Qazaqstan», «Ka­zah­stanskaıa pravda», «Qazaq áde­bıeti», «Almaty aqshamy», «Vechernıaıa Almaty», «Zań ga­zeti», «Iýrıdıcheskaıa gazeta», «Móldir bulaq», «Bala­lar álemi», taǵy da basqa gazet-jýrnal re­daksııalarynyń ókilderi oqyr­mandarmen kez­desip, jazylym barysyna qa­tysty suraqtarǵa jaýap berdi.

«Almaty pochtamty» Al­ma­­ty fılıaly dırek­torynyń orynbasary Temirhan Musaev otandyq poshta qyzmetiniń barysyna toqtalyp, aldaǵy jos­par týraly aqparat berdi.

«Sıfrlyq tehnologııalar qaryshtap damyǵan kezeńde oqyrmanǵa gazet-jýrnaldardy der kezinde jetkizip otyrý mańyzdy. Qala turǵyndary aqparatty ınternetten jyldam alý múmkindigine ıe, al shalǵaı aýyldarǵa basylymdardy ýaqtyly jetkizip otyrý úl­ken jaýapkershilik júkteıdi. О́ıtkeni oqyrman ózi tańdap jazylǵan basylymnan qajetin izdeıdi, tanymdyq dúnıelerdi der kezinde oqyǵysy keledi. Sondyqtan oqyrman qajetinen shyǵý úshin redaksııa men «Qazposhta» fılıaldary ara­syn­da mazmundy, maqsatty jos­parlardy júzege asyrý qajet», dedi T.Musaev.

Pandemııaǵa baılanysty dál búgingideı kezdesý ótkizýdiń múmkindigi bolmady. Endigi kezekte poshta basshylyǵy tarapynan jylyna eki márte ótetin jazylý naýqanyna baı­lanysty oqyrmandarmen kezdesýlerge qatysty sharalar formatyn ke­ńeıtý josparlanyp otyr. Eli­mizdiń barlyq aýmaǵyna posh­ta­lyq, logıstıkalyq qyzmet túrin usynyp otyrǵan ulttyq ope­rator retinde «Qazposhta» óńir­ler máselesine de kóńil bó­lip, gazet-jýrnaldardyń qol­jetimdiligin jedeldetýdi, lo­gıs­­tıkalyq saıasatqa qatysty ju­mystardy jaqsarta tús­pek.

Búginde dástúrli basylym­dardyń bolashaǵyna qatysty pikirler ekige jarylady. Kásibı mamandardyń dereginshe, zamanaýı merzimdi basylymdar jań­ǵyrý kezeńinde tur. Al sıfr­lyq tehnologııalardyń mass-medıa naryǵyna dendep enýi dástúrli basylymdarǵa tyń serpilis beredi.

Redaksııa ókilderi men oqyr­­man arasynda osy maz­mun­da órbigen suhbat alańy ári qaraı konserttik baǵdarlamaǵa ulasty.

ALMATY