Fýtboldan Qazaqstan men О́zbekstan ulttyq quramasy syrt alańda keıingi 15 jylda birinshi ret bir-birimen jasyl alańda jolyqty.
Tashkenttegi áıgili «Pahtakor» stadıonynda ótken joldastyq kezdesýde alań ıeleri 2:0 esebimen jeńiske jetti. Kezdesýdiń esebin 12-mınýtta Reseıdiń «Torpedo» klýbynda óner kórsetetin Hodjımat Erkinov ashsa, birinshi taımnyń sońǵy mınýtynda ıtalııalyq «Roma» men О́zbekstan quramasynyń shabýylshysy Eldor Shomýrodov esepti eseledi. Bul jerde Shomýrodov sheberligin erekshe atap ótken jón.
Ekinshi taımdy Qazaqstan quramasy belsendi bastaǵanymen, kezdesý sońyna deıin esepti ózgerte almady. Bas bapker Magomed Adıev alańǵa birneshe oıynshyny shyǵarǵanymen, olar da О́zbekstan quramasynyń qaqpasyna gol soǵa almady. Bir aıta keterligi, keshegi matchta eki jyldyq úzilisten keıin ulttyq quramaǵa oralǵan Baýyrjan Islamhan alǵash ret jasyl alańǵa shyqty.
Qazaqstan ulttyq quramasy kelesi oıynyn erteń, ıaǵnı 19 qarasha kúni Abý-Dabı qalasynda Birikken Arab Ámirligi quramasymen ótkizedi.