Senat Tóraǵasy Qasym-Jomart Toqaev Qazaqstanǵa alǵash ret resmı saparmen kelgen Argentınanyń Syrtqy ister jáne ǵıbadat etý mınıstri Ektor Markos Tımermanmen kezdesti. Q.Toqaev sapardyń eki el arasyndaǵy ózara tıimdi yntymaqtastyqqa qýatty serpin beretinine senim bildirdi.
Senat Tóraǵasy meımannyń sapary Qazaqstan Prezıdenti N.Nazarbaevtyń bastamasy boıynsha Eýrazııalyq ekonomıkalyq odaqqa qol qoıylatyn tarıhı kúnge tuspa-tus kelgenine nazar aýdardy. E.Tımerman bul oqıǵanyń alǵa qaraı jasalǵan mańyzdy qadam ekenin atap ótti.
Senat Tóraǵasy Qazaqstannyń joǵary zań shyǵarý organynyń qurylymy jáne qyzmetimen tanystyrdy. Ol Qazaqstan Parlamenti men Argentınanyń Ulttyq kongresi arasyndaǵy tikeleı baılanys ornatýdy usyndy jáne argentınalyq senatorlardy Astanaǵa kelýge shaqyrdy. Júzdesýshiler sondaı-aq, eki el parlamentteriniń joǵarǵy palatalarynda depýtattardyń yntymaqtastyq toptaryn qurý qajettigin atap ótti.
Q.Toqaev Argentınany Astanada bolatyn EKSPO-2017 kórmesine belsendilikpen qatysýǵa shaqyrdy jáne BUU Qaýipsizdik Keńesiniń turaqty emes múshesi bolýyna Qazaqstannyń kandıdatýrasyn Býenos-Aırestiń qoldaýyna úmit artatynyn jetkizdi. Argentına SIM-iniń basshysy Qazaqstan mundaı mártebege laıyq ekenin jáne dúnıejúzilik uıym jumysyna bizdiń elimizdiń belsendi aralasýy isti jaqsy jaǵyna ózgertýge, onyń ishinde, shıelenisterdi retteýge kómektesetini týraly pikirin bildirdi, dep habarlady Senattyń baspasóz qyzmeti.