Qostanaı oblysynda barlyq saılaý ýchaskeleri tańǵy saǵat 7:00-de jumysyn bastady, dep habarlaıdy Egemen.kz.
Aýmaqtyq saılaý komıssııasynyń tóraǵasy Aleksandr Malashkonyń aıtýynsha, búginde oblysta 745 saılaý ýchaskesi bar.
Qostanaıdaǵy №10 mektepte azamattar tańnan beri daýys berýde. Olardyń arasynda jastar kóp.
«Bıyl saılaýǵa birinshi ret qatysyp otyrmyn. Men óz quqyǵymdy paıdalanyp, elimizdiń bolashaq Prezıdenti úshin daýys berýge múmkindigimniń bar bolǵanyna qýanyshtymyn», deıdi 18 jastaǵy qala turǵyny.
Saılaýdyń zańdylyǵyn qamtamasyz etý úshin barlyq saılaý ýchaskelerinde baıqaýshylar jumys isteıdi.