Qaraǵandy oblysynda 642 saılaý ýchaskesi tańǵy saǵat 7:-00-de jumysyn bastady. Onda shamamen 768 myń adam daýys berýi tıis. Saılaýshylardyń arasynda birinshi ret daýys daýys berýshilerdiń sany 6 myńnan asyp jyǵylady. Al eń egde daýys berýshiler, ıaǵnı, 90 jastan asqan saılaýshylar qatary 2 myńǵa jýyq. Sondaı-aq, 2500 jýyq táýelsiz baıqaýshy qatysýda, dep jazady Egemen.kz.
Qaraǵandy oblysy saılaý komıssııasynyń habaralýynsha, EQYU DIAQB baıqaýshysy mıssııasy ókilderi keldi. Sonymen qatar, TMD kelgen baıqaýshylary da bar.
Qaraǵandy qalasyndaǵy №12 saılaý ýchaskesinde 2467 saılaýshy tirkelgen. Bul ýchaskede qalanyń baıyrǵy turǵyndary turady. Saılaý ýchaskesiniń tóraǵasy Vladımır Prızdiń aıtýynsha, ýchaskege 2492 bıýlleten berilgen. Tańǵy saǵat 6.00-de saılaý ýchaskesi ashylyp, týra 7:00-de jumysyn bastady.
Bizdiń №12 saılaý ýchaskesinde 2467 adam bar. Bizgi bir táýlik buryn 2492 bıýlleten berildi. Olar seıfke salynyp, kúzetpen saqtaldy. Tańǵy 6-da saılaý ýchaskesi ashylǵanda baıqaýshy jáne senimdi ókilderden quralǵan 10 adam keldi. Olarǵa saılaý ýchaskesinde saılaý barysyn baqylaý úshin barlyq jaǵdaı jasaldy. Onyń ishinde prezıdentke úmitkerlerdiń 2-i senimdi ókili, 8 adam túrli partııa qoǵamdyq uıymdardan baqylaýda. 21 adam úıden daýys beredi. Birinshi ret daýys berýshi 89 jas bar. Alǵashqy kelýshiler men birinshi ret daýys berýshi jastarǵa syı-sııapat jasaldy, deıdi Vladımır Nıkolaevıch.
Prezıdenttikke úmitker Jıgýlı Daırabaevtyń senimdi ókili Nurlan Naýryzov osy saılaý ýchaskesinde baıqaýshy. Senimdi ókil qazirgi ýaqytqa deıin daýys berý kezinde eshqandaı zań buzýshylyqtar oryn almaǵanyn aıtady.
- Qazirgi ýaqytta Qaraǵandy qalasyndaǵy 12 saılaý ýchaskesinde daýys berý halyq tarapynan belsendi. Otbasylarymen kelip daýys berip jatqanyn kórip otyrmyz. Kelýshilerdiń kóńil kúıi jaqsy. Baqylaý kezinde ázirge eshqandaı zań buzýshylyq bolǵan joq. Saılaý komıssııasy óz jumystaryn tıisti deńgeıde atqaryp otyr, - deıdi Nurlan Naýryzov.
Atalǵan saılaý ýchaskesinde saǵat 9-ǵa deıin 130 adam kelip daýys berdi.
Qaraǵandy oblysynyń ákimi Jeńis Qasymbek te Qazaqstan Respýblıkasy Prezıdentiniń kezekten tys saılaýynda Qaraǵandydaǵy ál-Farabı atyndaǵy mektep-gımnazııanda ornalasqan №42 saılaý ýchaskesinde daýys berdi.
- Bizdiń ýchaskede 1825 saılaýshy tirkelgen, onyń ishinde 37-i birinshi ret daýys berýshiler. Úıden saılaýǵa qatysý týraly ótinishter túsken joq. Tańǵy segizge deıin 60-qa jýyq adam daýys berdi, - dedi № 42 ýchaskelik komıssııanyń tóraıymy Sabına Bıjanova.
Daýys berý prosesin kommersııalyq emes uıymdar men qoǵamdyq birlestikterdiń táýelsiz baqylaýshylary qadaǵalaıdy.
Esterińizge sala keteıik, Qaraǵandy oblysynda daýys berýge arnalǵan 642 ýchaske bar.