Jalpyulttyq sosıal-demokratııalyq partııasy atynan prezıdenttike usynylǵan Nurlan Áýesbaevtyń senimdi ókili, atalǵan partııanyń Ertis-Baıan óńirindegi fılıalynyń tóraǵasy Ajar Saǵandyqova saılaýǵa qatysty pikirin aıtty, dep habarlaıdy Egemen.kz.
«Baıqaýshylardyń mobıldi tobynyń qatarynda tańerteńnen beri Pavlodar qalasynyń birneshe ýchaskesinde boldym. Jerlesterimizdiń belsendi kózqarasy men daýys berýdegi jaýapkershiligi qýantyp otyr. Birqatar ýchaskelerde azamattardyń tirkelgen jeri boıynsha máseleler anyqtaldy. Ol – ýchaskelik saılaý komıssııasynyń kinási emes. Ýchaskelerde otyrǵan Halyqqa qyzmet kórsetý ortalyqtarynyń qyzmetkerleri sol jerde azamattardy tirkep, túsinispeýshilikterdi qapelimde sheship jatty. Mundaı jaǵdaıdyń jańadan salynyp jatqan «Saryarqa» shaǵyn aýdany aýmaǵynda birneshe márte qaıtalanǵanyna kýá boldyq. Adamdar áli tirkeýge turyp úlgermegen. Qazir mine, № 15 saılaý ýchaskesi ornalasqan jerge kelip otyrmyz. Eshbir kemshilik tirkelgen joq. Komıssııa músheleri kelýshilerge saýatty túrde barlyǵyn túsindirip, tolyq maǵlumat berýde», deıdi ol.
Ajar Saǵandyqova 2007 jyldan beri elimizde ótip jatqan saıası naýqandarǵa belsene qatysyp kele jatyr. Ol uzaq ýaqyttan soń ózi tirkelgen partııadan alǵash ret prezıdenttike úmitker usynyp, tuńǵysh ret senimdi ókili atanyp otyrǵanyn úlken abyroı dep sanaıdy.
Aıta keteıik, qazirgi sátte ár qala, aýdan, aýylda JSDP baıqaýshylary saılaý barysyn baqylap júr.