El prezıdenttigine úmitkerlerdi saılaýǵa arnalǵan saıası naýqanda shymkenttikter asa belsendilik tanytýda. Taıly-tuıaǵyna deıin qalmaı otbasy múshelerimen baryp, daýys berip jatyr, dep habarlaıdy Egemen.kz.
Qarapaıym azamattan el tanıtyn tulǵalarǵa deıin osy kúni saılaý ýchaskelerinen tabylýda.
Bulaı deıtin sebebimiz, tańerteń bokstan Olımpıada oıyndarynyń kúmis júldegeri elimizdiń dańqty boksshysy Muhtarhan Dildábekov jubaıy Albına Elshıevamen birge qaladaǵy №269 saılaý ýchaskesine kelip, óz tańdaýyn jasap ketti.
«Búgin ádettegiden erte oıandym. Saılaý ekenin bilip, jubaıymyzdy ertip, daýys berýge keldik. Men bul saılaýda el tizginin ustar Prezıdentke ǵana emes, jalpy memlekettiń bolashaǵyn tańdap daýsymdy usyndym dep bilemin. О́ıtkeni osy saılaýdyń nátıjesine qaraı eldiń aldaǵy damý joly, strategııasy aıqyndalady. Al men keleshek Qazaqstandy ekonomıkasy kúshti, saıası ahýaly turaqty, beıbitsúıgish el retinde kórgim keledi. Sol sebepti másele saılaýǵa kep tirelgende ózimdi jaıbaraqat sezine almadym. Myna jaqta el taǵdyry talqyǵa túsip jatqanda qalaı daýys bermeı, qalys qalýǵa bolady. Bizdiń izimizdi jalǵap kele jatqan óskeleń urpaqtyń da keleshegin oılap ta saılaýǵa asyǵa jettim», dedi boks sportynyń maıtalmany.
Olımpııada júldegeri búginde Shymkent qalalyq №1 sport mektebin basqarady. Atalǵan sport uıymy jastar men jasóspirimderdi olımpıadalyq rezervke daıyndaıdy. Mektepte sporttyń birneshe túrinen atap aıtqanda, boks, kúres, karate, taekvondadan jáne kıkbostan tálim beriledi.
№269 prezıdenttik saılaý komıssııasynyń tóraıymy Gúlnur Úsenniń aıtýynsha, bıylǵy prezıdenttik saılaý dodasynda daýys berý quqyǵyna 2950 adam ıe eken.