ASTANA. 30 mamyr. Reseı Federasııasy Memlekettik dýmasynyń depýtaty Anton Jarkov beısenbi kúni Eýrazııalyq ekonomıkalyq odaqtyń qurylýy jónindegi kelisimshartqa qol qoıylýy keńesten keıingi keńistiktiń damýynda álemdik aýqymdaǵy jańa yqpaldy ortalyqtyń paıda bolýyna aparatyn qısyndy qadam ekenin atap ótti. Bul týraly RIA «Novostı» habarlady.
Parlamentarıı óz sózinde jańa múshe elderdiń kirýlerine jol ashyp qoıǵan mundaı ekonomıkalyq qurylymnyń qurylýy postkeńestik keńistiktegi ekonomıkalyq ózara baılanys damýynyń qısyndy qadamy ǵana emes, sonymen birge onyń áriptesterine tıimsiz oıyn erejelerin usynýǵa áreket etipotyrǵan Batystyń tirligine ózindik bir jaýap ekenine de nazar aýdardy.
«EAEO tez arada Batys sanasýǵa májbúr bolatyn kúshke aınalady, óz ishinde ǵana emes, sonymen qatar Azııa-Tynyq muhıt aýmaǵyndaǵy áriptesterimen baılanysty keńeıtýge baǵyt ustaǵan odaqtyń áleýeti jaqsy», - degen sózdi depýtat senimmen aıtty.
«Keńestik kezeń keńistigindegi elder kóptegen jyldar boıy óz ekonomıkasyn Batystaǵy áriptesteri usynǵan ereje boıynsha damytyp keldi. Biraq bul erejelerdiń eki jaqqa da tıimdi emes ekeni aıqyn bolyp qaldy. Sondyqtan olardyń arasynda bir-birlerimen adal básekelestik jaǵdaıynda birigý, sol arqyly óz ekonomıkasyn jańǵyrtý men ósýge qaraı tartý jóninde sheshim qabyldandy», - degendi qosty Jarkov.
Murat Aıtqoja.
Derekkóz: RIA Novostı
Foto: RIA «Novostı». Mıhaıl Klımentev.