Almaty qalasy boıynsha QR Prezıdentiniń saılaýyn jarııalaý jónindegi baspasóz ortalyǵynyń alańynda saılaý prosesin baqylaý máselesi boıynsha baspasóz konferensııasy ótti, dep jazady Egemen.kz.
Spıker retinde Sverdlov oblysy Zań shyǵarý jınalysynyń óńirlik saıasat jáne jergilikti basqarýdy damytý jónindegi Komıtetiniń tóraǵasy Mıhaıl Valerevıch Zýbarev sóz sóıledi.
Spıker saılaý kúni Almatyda bolǵan barlyq 17 saılaý ýchaskesinde daýys berý rásimderi Qazaqstan Respýblıkasynyń Konstıtýsııasyna jáne «saılaý týraly» Zańyna sáıkes ótkenin atap ótti.
«Barlyq ýchaskelerde bizdiń mıssııamyzdan basqa da ulttyq baqylaýshylar men kandıdattardyń ókilderi kóp boldy. Men olarmen sóılestim, olardyń eshqaısysy eshqandaı eskertýler tirkegen joq. Bul saılaý prosedýrasy zańdy degendi bildiredi. Qazaqstan Respýblıkasynyń turǵyndary osy saılaý naýqanynyń nátıjelerin qabyldaıtynyna senimdimin. Men baqylaǵan ýchaskelerde eshqandaı zańbuzýshylyqtar bolǵan joq», dedi M.Zýbarev.
Ol sondaı-aq olardyń mıssııasynyń mindeti-Qazaqstan Respýblıkasy turǵyndarynyń erik bildirý prosesine aralasý emes, tek daýys berýdi qadaǵalaý ekenin atap ótti.
«Saılaý komıssııasynyń múshelerine, baqylaýshylarǵa jáne saılaýshylarǵa qandaı da bir keńester berý bizdiń mindetimiz emes. Saılaý rásiminiń ózi Qazaqstan Respýblıkasy turǵyndarynyń ishki máselesi. Halyqaralyq baqylaýshylar mıssııasynyń mindeti - daýys berý prosesiniń zańdylyǵyn rastaý. Saılaý prosesi kóp qyrly jáne qarapaıym emes6bári onyń qyr-syryn bile bermeıdi», dedi spıker.
M. Zýbarev Almatynyń saılaý ýchaskeleriniń jabdyqtanýyna da toqtaldy. Ol barlyq ýchaskeler tolyq jabdyqtalǵanyn, múmkindigi shekteýli jandar úshin daýys berýge jaǵdaı jasalǵanyn atap ótti.
«Ár ýchaskede kóshpeli daýys berý múmkindigi qarastyrylǵan jáne kóptegen ýchaskelerde azamattar osy quqyqty paıdalandy. Saılaýshylardyń erik-jigerine syrtqy kúshter tarapynan eshqandaı qysym bolǵan joq. Munda bizden basqa mıssııalar men ulttyq baqylaýshylar jumys isteıdi. Saılaý komıssııalarynyń jumysy barysynda eshqandaı buzýshylyqtar tirkelgen joq», dep qorytyndylady Reseı Federasııasynan kelgen spıker.