ASTANA. 30 mamyr. Eýrazııalyq ekonomıkalyq odaqtyń qurylýy tek ekonomıkalyq sıpatta ǵana emes, sonymen qatar Reseı, Belarýs jáne Qazaqstan elderiniń táýelsizdikteri turǵysynan alǵanda da asa mańyzdy bolyp tabylady. Reseı Memlekettik dýmasynyń ónerkásip jónindegi komıteti tóraǵasynyń birinshi orynbasary Vladımır Gýtenevtiń sózine silteme jasaǵan RIA «Novostı» osyny maǵlum etti.
Barshaǵa belgili, keshe Reseı, Belarýs jáne Qazaqstan memleketteriniń Prezıdentteri keshe, beısenbi kúni Astanada 2015 jyldyń 1 qańtarynan bastap iske kirisetin EAEO (Eýrazııalyq ekonomıkalyq odaq) qurý jónindegi kelisimge qol qoıdy.
«EAEO qurý jónindegi kelisimge qol qoıý – tek Reseı, Qazaqstan jáne Belarýs memleketteriniń ǵana emes, sondaı-aq Reseıdiń jaqyn sheńberine kiretin álemdegi kóptegen elderdiń tarıhyndaǵy kópten kútken orasan zor oqıǵan. Soltústik Atlantıkanyń ózine tán eki júzdi standart ustanyp otyrǵan qazirgi geosaıasat jaǵdaıynda mundaı tyǵyz ıntegrasııaly formatty bekitip alý ekonomıka turǵysynan ǵana emes, sonymen qatar bizdiń barlyq elderimizdiń táýelsizdikteri turǵysynan da asa mańyzdy qadam bolyp tabylady», - dedi jýrnalısterge Gýtenev.
Ol ǵylymǵa jáne óndirisiniń kúrdeliligine táýeldiligine baılanysty naryq kólemin anyqtap alýdy da usyndy.
«Biz ózimizdiń avtomobıl ónerkásibimizdi jasap alýymyzǵa da bolady. Biraq onyń rynogy kem degende 60-80 mıllıon (adam) bolýy kerek. О́z jeńil ónerkásiimizdi jasap alýymyzǵa da bolady. Alaıda, onyń naryǵy 30 mıllıonnan kem bolmasyn. Al qýatty keme jasaý jáne ǵarysh keshenin jasaý úshin kem degende 250-300 mıllıon adamdyq naryǵymyz bolmasa, syrtqy ekspansııaǵa qaýqarsyz bolamyz», - dedi depýtat.
Budan buryn habarlanǵandaı, mundaı odaqty qurý oǵan qatysýshy elderdi ıntegrasııanyń jańa bıik deńgeıine kótere túsýge jol ashatyny aıtyldy. Endi joǵarydaǵy úsh el óz aralarynda erkin saýda-sattyq, kapıtal men jumys kúshiniń qozǵalysyna, ekonomıkanyń energetıka, ónerkásip, aýyl sharýashylyǵy transport dep atalatyn túıindi salalarynda úılesimdi saıasatty júzege asyrýǵa kepildik berýge mindetteme alyp otyr. Osylaısha 170 mıllıon adamy bar TMD keńistiginde damýdyń jańa qýatty ekonomıkalyq ortalyǵyna aınalatyn asa iri jalpy naryq qalyptastyrý aıaqtalyp keledi.
Depýtattyń pikirinshe, Reseı, Belarýs jáne Qazaqstan elderiniń birigýi, sondaı-aq keleshekte bul odaqqa basqa da memleketterdiń, - olardyń arasynda buryn keńestik sheńberge kirmegenderi de bar - kirý yqtımaldylyǵy alǵa qoıylǵan bul mindetterdi keremet oryndap shyǵýǵa múmkindik beredi.
Murat Aıtqoja.
Derekkóz: RIA Novostı
Foto: RIA Novostı. Mıhaıl Klımentev.