Jalǵan polıseıdi ustaý operasııasyn Qostanaı oblysy PD О́zindik qaýipsizdik jáne Uıymdasqan qylmysqa qarsy kúres basqarmalarynyń qyzmetkerleri júrgizdi, dep habarlaıdy Egemen.kz IIM baspasóz qyzmetine silteme jasap.
– Polısııaǵa oblys ortalyǵynyń turǵynynan ótinish kelip tústi. Ol ózin uıymdasqan qylmysqa qarsy kúres bólimshesiniń qyzmetkeri dep tanystyrǵan belgisiz er adamnyń aqsha bopsalaǵanyn habarlady. О́tinish berýshiniń barlyq dálelderi muqııat tekserilip, rastaldy, – dedi Qostanaı oblysy PD О́zindik qaýipsizdik basqarmasy bastyǵynyń orynbasary Qanat Meńdibaev.
Tekserý kezinde kúdiktiniń Qostanaıǵa kelgen Aqmola oblysynyń turǵyny ekeni anyqtaldy. Ol jábirlenýshini qylmystyq jaýapkershilikke tartýmen jáne zııandy málimetterdi taratýmen qorqytty. Osylaısha ol eki mıllıon teńgeden astam qarajatty zańsyz alǵan.
– Birlesken jedel is-sharalar nátıjesinde Qostanaı oblysy PD Uıymdasqan qylmysqa qarsy kúres jáne О́zindik qaýipsizdik basqarmalarynyń qyzmetkerleri 27 jastaǵy kúdiktini Qostanaı qalasyndaǵy jaldamaly páterlerdiń birinde ustady. Qazirgi ýaqytta ol sotpen tutqyndaldy, tergeý amaldary júrgizilýde, – dep qorytyndylady Serik Baıǵonov.