Qazaqstannyń qazirgi kóshbasshysy Qasym-Jomart Toqaev kezekten tys prezıdenttik saılaýda aıtarlyqtaı daýyspen jeńiske jetti.
Qoınaýy munaıǵa baı eldiń saılaý komıssııasy dúısenbide 2019 jyly bılikke kelgen Q.Toqaevtyń jeksenbi kúngi saılaýda 82,45% daýys jınaǵanyn málimdedi.
Q.Toqaev 2019 jyly ótken saılaýda 70 paıyz daýyspen bılikke keldi. Osy jyldyń basynda Qazaqstanda bolǵan Qańtar oqıǵasynan soń Q.Toqaev halqyna «Jańa jáne Ádiletti Qazaqstan» qurýǵa ýáde bergen edi. Ol túrli reformalardy qamtyǵan konstıtýsııalyq referendým jarııalap, jeti jyldyq prezıdenttik merzimdi engizdi.
Q.Toqaev óz eliniń Qytaımen ǵana emes, Eýropamen de baılanysyn nyǵaıtty. Bıyl Qazaqstanǵa Túrkııa men Qytaı basshylary, Eýropanyń joǵary laýazymdy tulǵalary men Rım Papasy Fransısk keldi.