Ramazan aıynda jan basyna beriletin pitir sadaqa mólsheri elimiz boıynsha 200 teńge. Qazaqstan musylmandary dinı basqarmasynyń Tóralqa májilisinde elimizdiń ár aımaǵyndaǵy bıdaı baǵasyn eskere kele, ortaq eseppen biraýyzdan osylaı bekitildi.
Bas múftı Erjan qajy Malǵajyuly qatysqan alqaly jıynda qajylyq saparyn joǵary deńgeıde uıymdastyrý úshin bilikti ımamdardy tartý máselesi de talqylandy. Bas múftı respýblıka boıynsha meshitterde júıeli túrde ótkizilip kele jatqan ortalyqtandyrylǵan onlaın dáriske jamaǵattyń tolyqqandy qatysýyn, onlaın núkteler sanyn aýylǵa deıin kóbeıtýdi, ári sabaqtyń sapaly, saýatty ótýin qadaǵalaýdy ókil ımamdarǵa tapsyrdy.
Qazaqstan musylmandary dinı basqarmasy «Jastardy teris aǵymdardan saqtandyrý», «Qoǵamnyń dinı saýatyn arttyrý» taqyryptary boıynsha bilikti ımamdardyń dárisin jańa tehnologııalar arqyly nasıhattaýdy qolǵa aldy. «Áziret Sultan» meshitinde dinı ýaǵyz onlaın formatynda jyl basynan beri ótkizilip keledi.
«Egemen-aqparat».