Qudaı – jomart. Qalasa, úıip-tógip bere salady. Retin keltiredi. Qııýyn qıystyrady. Áıteýir, bir kúnde baqytqa bóleıdi. Mine, sondaı jaǵdaı Syrdarııa aýdanynyń Shaǵan aýylynda turatyn Úmbetaevtar otbasynda da oryn aldy. О́mirge úshem keldi.
9 mamyr – Jeńis kúninde ómir esigin ashqan úshemdi ata-anasy Ernur, Arnur, Aqnur dep atapty. Balalardyń ákesi Erbol Úmbetaev «Aralgaz» JShS-inde jumys istese, dúnıege úshemdi aman-esen ákelgen anasy Áıgerim Ámzeeva Tereńózek kentindegi №36 orta mektepte muǵalim bolyp qyzmet atqarady. Buǵan deıin otbasynda 3 balasy bolypty. Endi taǵy 3 sábı qosylyp otyr. Elimizdiń demografııalyq saıasatyna úlken úles qosqan otbasynyń qýanyshynda shek joq.
Erjan BAITILES,
«Egemen Qazaqstan».
Qyzylorda oblysy.