«Bilim berý salasyndaǵy eń mańyzdy aqparattyq júıe – ol Ulttyq bilim berý derekter qory. Júıede mektepke deıingi, orta, tehnıkalyq jáne kásiptik, qosymsha bilim berý deńgeıindegi barlyq statıstıka men bilim salasyndaǵy aqparat bar. Dálirek aıtqanda, oqýshylardyń alǵan baǵalary men jetistikteri, muǵalimderdiń biliktiligi, mektepterdiń, kolledjderdiń, balabaqshalardyń materıaldyq-tehnıkalyq qory jáne t.b.
Buryn UBDQ-daǵy derekterdi tek bilim salasy qyzmetkerleri ǵana paıdalansa, endi barlyq aqparat jurtshylyqqa, sarapshylarǵa, zertteýshilerge, ákimdikterge jáne basqa da memlekettik organdarǵa birte-birte jáne ártúrli dárejede qoljetimdi bolady», dep jazdy A.Aımaǵambetov.
Budan soń, ol qazir bilim berý statıstıkasyn jınaý tetigin tolyǵymen qaıta qaraý jumystary júrgizilip jatqanyn aıtty.
«Ony negizinen elektrondy jýrnaldar júıesinen alynatyn baǵalardy qospaǵanda, UBDQ-da árbir bilim berý uıymyna jaýapty tulǵalardyń ózderi tikeleı engizetin. Endi qazir bultty býhgalterııa, elektrondy qujat aınalymy jáne elektrondy kadr, elektrondy attestasııa jáne basqa da júıelerden barlyq negizgi aqparatty avtomatty túrde jınaý sharalary júrgizilip jatyr. Iаǵnı barlyq aqparat avtomatty túrde derekter qoryna túsedi», dep jazdy mınıstr.
Sondaı-aq jazbada bilim berý júıesiniń ashyqtyǵyn qamtamasyz etý úshin Ulttyq bilim berý derekter qorynan (UBDQ) ártúrli qurylymdarǵa, zertteýshilerge jáne jurtshylyqqa arnalǵan ıesiz derekter belgili bir parametrler boıynsha kezeń-kezeńimen jalpyǵa qoljetimdi bolatyny jazylǵan. Iаǵnı belgili bir parametrler boıynsha kez kelgen adam statıstıkalyq derekterdi baqylaı alady.