Abaı oblysynda 22 qarashada saǵat 18:30-dan bastap aýa raıynyń qolaısyzdyǵyna baılanysty respýblıkalyq mańyzy bar Almaty-О́skemen tas jolynda tirkemesi men jartylaı tirkemesi bar júk kólikteri úshin qozǵalys shekteldi, dep habarlaıdy Egemen.kz.
«QazAvtoJol» málimetine sáıkes, tas joldyń 615-967 shaqyrymy aralyǵynda qozǵalys shekteldi. Bul Almaty oblysynyń shekarasynan Qalbataý aýylyna deıingi ýchaske.
«Joldyń bul ýchaskesi «SıneMıdasStroı» BK» JShS-niń qaıta jańǵyrtýyna jatatynyn aıta ketkenimiz jón. Qar qursaýyn boldyrmaý úshin tas joldyń osy ýchaskesinde 20 arnaıy tehnıka men 32 adam jumys istep jatyr», delingen «QazAvtoJol» habarlamasynda.