Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabyna álemniń 37 elinen 44 halyqaralyq buqaralyq aqparat quralynyń ókili keldi. Olardyń qatarynda AQSh, Kanada, Ulybrıtanııa, Ispanııa, Belgııa, Aýstrııa jáne t.b. elderden kelgen jýrnalıster bar.
«Amanat» partııasynyń atqarýshy hatshysy Ashat Oralov sheteldik ókilderdi úgit-nasıhat jáne taldaý ortalyqtarynyń, kandıdattyń qoǵamdyq qabyldaý bólmesiniń, medıa-shtabtyń, senimdi ókilderdiń jumysyn úılestirý ortalyǵynyń, baıqaýshylar shtaby men arnaıy jastar alańynyń jumysymen tanystyrdy.
Kezdesý qorytyndysynda Respýblıkalyq qoǵamdyq shtab músheleri sheteldik BAQ ókilderine brıfıng ótkizip, onda saılaý naýqany aıasynda atqarylǵan jumystar týraly aıtyp berdi.
Jalpy, úgit-nasıhat naýqany kezinde Qasym-Jomart Toqaevtyń jaqtastary 42 qala men 5 myńnan astam aýyldy aralady. Olar ótkizgen 24 myń úgit-nasıhat is-sharasyna 3 mıllıon saılaýshy qatysty.
Sonymen qatar Qasym-Jomart Toqaevtyń saılaýaldy shtabyna halyqaralyq baıqaýshylar da keldi. Olardyń qatarynda Ujymdyq qaýipsizdik týraly shart uıymy Parlamenttik Assambleıa, Amerıka Qurama Shtattarynyń jáne Islam Yntymaqtastyǵy Uıymynyń halyqaralyq baıqaýshylary bar. Shtab músheleri olardy úgit-nasıhat jáne taldaý ortalyqtarynyń, kandıdattyń qoǵamdyq qabyldaý bólmesiniń, medıa-shtabtyń, senimdi ókilderdiń jumysyn úılestirý ortalyǵynyń, baıqaýshylar shtabynyń jáne arnaıy jastar alańynyń jumysymen tanystyrdy. Jalpy, úgit-nasıhat naýqany kezinde Qasym-Jomart Toqaevtyń jaqtastary ótkizgen úgit-nasıhat is-sharalary men kezdesýler barysynda azamattardan 40 myńnan astam usynys pen tilek jınaldy.