Zamanaýı seh eksportqa jol ashady

2018 jyly iske qosyl­ǵan kásip­orynda alǵashqy jyly jeliden 150 traktor quras­tyry­lyp shyǵarylsa, bıyl onyń sany 1 200-ge jetip jyǵylady. Aldaǵy meje – syrttan tasymaldanatyn birqatar bólshekterdi osy kásip­orynda daıyndaý. Búginde zaýyt janynan jeke seh salyndy. Bul sehta ka­bı­na áınegi, radıatorlar, kapot já­ne traktor kabınasynyń ishki-syrt­qy qaptamasy men túrli qon­dyrǵy bólshekter jasalatyn bolady.

– Dál osy kúnderi óndiris­ke qajet qurylǵylardy ornatyp jatyrmyz. Jańa seh iske qosylsa, jylyna 10 myń kabına jasap shyǵara alamyz. Kabınalar tolyqtaı osy jerde jasalady. О́zimizdiń temirıgish, dánekerleý, boıaý qurylǵylary­myz bolady. Tek metaldy ǵana satyp alamyz da, ony kesip, piship, ıip, dá­ne­kerlep, boıap, nólden bastap daıyn­ kabına qurastyryp shyǵaramyz. Qa­zir­she, bizdiń traktorlarymyz ishki naryqta ǵana saýdalanyp jatyr. Al biz josparlap otyrǵan jańa óndiris orny eń sońǵy úlgi­degi «Belarýs» traktorlaryn eksportqa shyǵarýǵa múmkindik beredi. Sondaı-aq Mınsk traktor zaýytynyń ózin kabınamen qamtamasyz etý josparda bar, – deıdi zaýyt dırektorynyń orynbasary Valentın Dashkevıch.

Qazir Qostanaı traktor zaýy­tyndaǵy óndiristiń jer­gi­lik­ti úlesi osy mańaıdaǵy kásip­oryn­dardan satyp alynatyn usaq-túıek materıaldar men qol eńbegin qosqanda shamamen 20 paıyzdaı ǵana bolady. Al ózi kózdegen mejede kabına jasaý­ǵa kóshken jaǵdaıda, kásip­oryn­da­ǵy jergilikti óndiristiń úlesi ­40 paıyzǵa jýyqtaıdy.

Zaýytta qazir 75 adam eńbek etedi. Mundaǵy jumysshylar Mınsk traktor zaýytyna baryp, bir-eki jyl sol jaqta jumys istep, biliktiligin arttyryp, she­berligin ushtap otyrady. Onyń syrtynda, kásiporynda eńbek adamyna qajet jaǵdaıdyń bári qarastyrylǵan. Mysaly, uzaq jyl aýylda mehanızator bolyp eńbek etken Boranbaı Sháıken qa­laǵa kóship kelgen soń, eńbek jaǵdaıy qolaısyz bolǵandyqtan bir jerge turaqtap jumys isteı almaǵan. Traktor zaýyty ashyla salysymen osynda ornalasqan Boranbaı tórt jyldan beri tapjylmaı bir orynda jumys istep keledi.

– Buǵan deıin «Tazalyq» serik­testiginde traktor júrgizdim. Odan soń qurylysta da jumys istedim. Osy zaýytqa kirgenshe, birtalaı jumystyń basyn shaldyq qoı. Naǵyz turaqtaǵan jerim – osy zaýyt. Jumysym janyma jaqyn. Jalaqym da turaqty, ýaqytyn­da beriledi. Bes kúngi jumystan keıin eki kúngi demalysymyz bar. Jyly, jaıly jerde eńbek etemiz. Qural-saımanyń saı. Bilmegenińdi oqytyp, úıretip otyrady, – deıdi B.Sháıken.

Kásiporyn bolashaqta kerek kadrlardy daıarlaý qamynda teh­nıkalyq mamandardy oqytatyn Qostanaı avtojol kolledjimen de tyǵyz baılanys ornatqan. Bıyl zaýyt basshylarynyń usy­nysy­men atalǵan kolledjde trak­tor jasaý salasyna qatysty birneshe mamandyq ashylǵan. Munda oqyp jatqan stýdentter eki jyldan ke­ıin traktor zaýytyna kelip, slesar, stanok bas­qarýshy bolyp jumysqa kirisedi.

«Belarýs» traktory kabınalaryn jasaý sehy iske qosyl­ǵan soń, zaýyt taǵy 100 adamdy jumysqa almaq.

Qostanaı oblysy