Syrtqy ister mınıstriniń orynbasary Roman Vasılenko Qazaqstan Respýblıkasy Prezıdentiniń aldaǵy ınaýgýrasııasyna ózge memleket basshylarynyń qatyspaıtynyn aıtty, dep habarlaıdy Egemen.kz.
Buǵan deıin Ortalyq saılaý komıssııasynyń otyrysynda Qazaqstan Respýblıkasynyń saılanǵan Prezıdenti Qasym-Jomart Toqaevtyń ant berý rásimi 2022 jylǵy 26 qarashaǵa belgilengeni belgili boldy.
«Ulyqtaý rásimine qabyldaýshy elde tirkelgen dıplomatııalyq korpýs, ıaǵnı elshiler shaqyryldy. Dál osyndaı tetik 2019 jyly ulyqtaý rásiminde de qoldanylǵan bolatyn», dedi Syrtqy ister mınıstriniń orynbasary Májilistiń jalpy otyrysynda.
Bir kún buryn QR Premer-Mınıstriniń orynbasary – Qarjy mınıstri Erulan Jamaýbaev Prezıdentti ulyqtaý rásimine bıýdjetten qosymsha qarjy bólinbeıtinin aıtqan bolatyn.
OSK halyq saılaǵan Qasym-Jomart Toqaevty Qazaqstan Respýblıkasynyń Prezıdenti etip tirkedi. Oǵan zańda belgilengen tártippen kýálik tabys etti.
Sońǵy qorytyndy boıynsha Qasym-Jomart Toqaevqa 6 mıllıon 456 myń 393 saılaýshy, ıaǵnı 81,31 paıyzy daýys berdi. «Barlyǵyna qarsy» degen baǵandy 460 myń 484 saılaýshy, ıaǵnı 5,8% tańdaǵan.