Qazaqstanda jastar sanaty úshin jas shegin arttyratyn zań jobasy ázirlendi. Bul týraly Aqparat jáne qoǵamdyq damý mınıstri Darhan Qydyráli aıtty, dep habarlaıdy Egemen.kz.
Darhan Qydyráliniń aıtýynsha, mınıstrlik «Memlekettik jastar saıasaty týraly» Qazaqstan Respýblıkasy zańynyń jobasyn ázirlegen. Zań jobasyn Parlament Májilisi maquldap, Senattyń qaraýyna engizdi.
«Zań jobasy memlekettik organdardyń qyzmet baǵyttary men quzyretterimen tolyqtyryldy. Bul zańnyń basty jańalyqtarynyń biri jastar jasyn 35 jasqa deıin ulǵaıtý bolmaq. Osylaısha, jastardy memlekettik qoldaý kólemi eki esege jýyq, ıaǵnı 3,7 mıllıonnan 6 mıllıon adamǵa deıin ósedi», dep atap ótti mınıstr.
Bul zań jobasy jastardyń damý ındeksin engizedi. Sonymen qatar NEET sanatyndaǵy jastardyń quqyqtyq mártebesin qarastyrady.