Qazaqstan men Germanııanyń arasyndaǵy parlamentaralyq qurylymdar aıasyndaǵy ózara is-qımyl, ekijaqty saıası jáne saýda-ekonomıkalyq yntymaqtastyqty damytý máseleleri Qazaqstan Respýblıkasy Parlamenti Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov pen Býndestag depýtaty Aksel Fısherdiń kezdesýi barysynda talqylandy.
Kezdesý kezinde I.Adyrbekov Astana men Berlın arasyndaǵy áriptestik qatynastardyń strategııalyq sıpatyn atap ótip, eki el parlamentshileriniń arasyndaǵy ózara is-qımyldyń údeı túsetinine senim bildirdi. Atap aıtqanda, ol Eýropa Keńesi jáne EQYU Parlamenttik assambleıalary aıasynda Qazaqstan men Germanııanyń delegasııalary arasyndaǵy jemisti yntymaqtastyqqa nazar aýdardy.
A.Fısher Qazaqstan Prezıdenti Nursultan Nazarbaevtyń kóregen saıasatyn jáne «Qazaqstan-2050» Strategııasynda aıtylǵan ıdeıalarynyń ózektiligin atap ótti. EKPA-daǵy Germanııa delegasııasynyń jetekshisi retinde ol Assambleıanyń basym baǵyttary boıynsha Qazaqstannyń jumystaryn qoldaý týraly aıtty. Odan basqa, nemis depýtaty EKSPO-2017 qarsańynda GFR kásiporyndarynyń Qazaqstan ekonomıkasyn ınvestısııalaýǵa múddeliligin naqtylady. Taraptar sondaı-aq, halyqaralyq jáne aımaqtyq saıasattyń ózekti máselelerin talqylady.
Kezdesýge senatorlar Orynbaı Rahmanberdıev pen Georgıı Kım qatysty, dep habarlady Senattyń baspasóz qyzmeti.