Jobany jandandyratyn kelissóz

«Qazaqstan-Qytaı halyq­aralyq ónerkásip qalasy» jo­basy eki el arasyndaǵy ın­dýstrııalyq-ınnovasııalyq yn­ty­maqtastyq jobalarynyń tizimine engizilgen. Onyń ústine «Jibek joly» ekonomıkalyq beldeýiniń qurylysyn júzege asyrýdaǵy mańyzy eleýli. In­vestordyń jeke qarajaty ese­binen 65,5 mln teńgege jol jáne ınjenerlik ınfraqurylym qurylysyn júrgizý jospar­lanǵan. Investısııanyń kútiletin jalpy kólemi – 330 mlrd teńge.

Osy rette «Qorǵas – Shyǵys qaqpasy» arnaıy ekonomıka­lyq aımaǵynda qolǵa alynǵan «Qazaqstan-Qytaı halyqaralyq ónerkásip qalasy» tehnoparki qurylysynyń jobasyn bas­ta­ǵan ınvestorlarmen oblys ákimi Beıbit Isabaev onlaın-rejimde kezdesý ótkizdi. Iskerlik jıyn barysynda taraptar indet kezinde toqtap qalǵan jobanyń iske asyrylý jumystaryn qaıta jandandyrý máselesin tal­qy­lady. Sonymen qatar jyl so­ńyna deıin jobaǵa qatysty is-sharalar men olardyń naqty merzimi kórsetilgen ekijaqty memorandýmǵa qol qoıýǵa kelisti.

Jetisý oblysy ákiminiń bas­pa­sóz qyzmetiniń málimetinshe, «Qorǵas – Shyǵys qaqpasy» ar­naıy ekonomıkalyq aımaǵy óńirdi damytýdyń strategııalyq mańyzdy núktesi. Bul – Qytaımen, Eýrazııalyq odaq elderimen, Ortalyq Azııa jáne Ońtústik Kavkaz elderimen aradaǵy taýar legi toǵysynda ornalasqan iri kólik-logıstıkalyq hab. Qazirgi qalyptasyp otyrǵan geosaıası jaǵdaılar men logıstıkalyq shekteýlerdi eskersek, atalǵan habqa suranys kúnnen-kúnge artyp keledi.

Búginde arnaıy ekonomıkalyq aımaqtyń biryńǵaı reestrinde jalpy quny 5 júz mlrd teńge bolatyn jobasy bar 34 qatysýshy tirkelgen. Sonyń ishinde 48,4 mlrd teńgeni quraıtyn 11-i iske asqan.

«Biz eki jylǵa sozylǵan koro­navırýs indeti kezindegi shek­teýlerdiń jobany iske asyrýǵa keri áserin tıgizgenin jaqsy túsinemiz. Qazir álemde epıdemııalyq jaǵdaı tu­raqty. Ázirge ındýstrıaldy park salý jobasyna qatysty negizgi jumystar nebári 10 pa­ıyz shamasynda ǵana oryndaldy. Budan bólek, jeke qarajat esebinen jol jáne ınjenerlik ınfraqurylym qurylysyn júrgizý josparlanǵan. Jumys­tyń mejelengen aýqymyn jáne jobany iske asyrý merzimi 2025 jyldyń qazanyna deıin dep belgilengenin eskersek, bú­gin­ge deıin ótkizip alǵan ýaqy­ty­myzdyń ornyn toltyrý óte mańyzdy. Bizdiń aldyn ala ja­sal­ǵan kelisimderimizge sáıkes jobany qaıta jandandyrýǵa qatysty is-sharalar men olardyń naqty merzimi kórsetilgen eki­jaqty memorandýmǵa osy jyl­dyń sońyna deıin qol qoıýdy usynamyn, dedi B.Isabaev.

О́z kezeginde «Qazaqstan-Qy­taı halyqaralyq ónerkásip qa­la­synyń» tóraǵasy I.Faszıýn oblys basshysyna kez­de­sý­di uıymdastyrǵany úshin alǵy­syn bildirip, jobaǵa qatysty ju­mys­tardyń jalǵa­syp jatqa­nyna sendirdi. Atap aıtqanda, tehno­parktiń bas jos­pary men ishki jobalary daıyn. So­ǵan saı Qytaı kompa­nııa­la­ry­nyń ókilderimen kezdesýler ótkizildi.

«Eń aldymen jobaǵa jan-jaqty nazar aýdarǵandaryńyzǵa alǵys aıtamyz. Osydan eki aı buryn «Qorǵas – Shyǵys qaqpasy» AEA ókilderimen osy jobanyń baǵyttaryn birlesip talqyladyq. Jobany jandandyrý úshin kelesi aıda sizderge baryp, yntymaqtastyq týraly memorandým jasasýǵa daıynbyz. Biz óz tarapymyzdan jumys barysynda týyndaǵan ákimshilik máselelerdi der kezinde sheship otyrý úshin memorandýmǵa siz­der­den logıstıkalyq ortalyqtyń fılıalyn qurý týraly tarmaq qosýdy usynamyz», dedi ol.

Atalǵan usynysqa oblys ákimi oń baǵa berdi. Fılıal quryp, eki taraptan da jumys to­byn jasaqtaýdy usyndy. Bul top joba sheńberinde kúndelikti ózara baılanysyp otyrmaq. Mundaı jumys jobanyń iske asyrylý qarqynyna oń yqpal eteri anyq. Sol sııaqty oblys ákimi Qytaı delegasııasynyń jumys saparyna deıin taǵy bir márte onlaın formatta jıyn ótkizý qajettigin aıtty.

«Jobany iske asyrýdy jyldamdatý týraly oıymyz bir jerden shyqqany qýantady. Bizdiń oblysqa jumys sapary barysynda ekijaqty memorandýmǵa qol qoıamyz. Sondaı-aq biz óz tarapymyzdan «Qorǵas – Shyǵys qaqpasy» arnaıy ekonomıka­lyq aımaǵynda óndiris salasy bo­ıynsha jáne bizdiń oblys pen Sıamen qalasynyń arasyndaǵy yntymaqtastyqty damytýǵa ar­nalǵan halyqaralyq forým­dy uıymdastyrýǵa qoldaý kór­setýge daıynbyz. Búgingi onlaın kezdesýimiz mazmundy bol­dy. Yntymaqtastyǵymyz nátı­jeli bolady dep senemin», dedi B.Isabaev.

Jetisý oblysy