Májilis Tóraǵasy Qabıbolla Jaqypov Kýbanyń Qazaqstandaǵy Tótenshe jáne tolyq ókiletti elshisi Karlos Enrıke Valdes De La Konsepsıondy qabyldady, dep habarlady osy palatanyń baspasóz qyzmeti.
Suhbattastar Qazaqstan-Kýba yntymaqtastyǵy máseleleriniń keń aýqymyn talqylap, densaýlyq saqtaý, týrızm, sport salalaryndaǵy ózara is-qımyldy damytý máselelerin perspektıvaly baǵyt retinde atap ótti.
Palata Tóraǵasy Májilistiń qyzmeti týraly aıta kelip, depýtattyq korpýstyń Memleket basshysy Nursultan Nazarbaevtyń elimizdi álemniń barynsha damyǵan 30 eliniń qataryna kirgizý jónindegi tapsyrmalaryn oryndaý úshin júrgizip jatqan zań shyǵarý jumysyna basa mán berdi.
О́z kezeginde elshi Qazaqstannyń el Prezıdentiniń basshylyǵymen qol jetkizgen tabystaryn joǵary baǵalady. Bul rette elshi bizdiń elimizde «Qazaqstan-2050» Strategııasynda belgilengen maqsattarǵa jetý úshin tolyq múmkindik bar ekenine senim bildirdi.
Q.Jaqypov jáne K.Valdes De La Konsepsıon Qazaqstan-Kýba qatynastaryn damytýǵa parlamentaralyq baılanystardy nyǵaıtý da óz yqpalyn tıgizetini týraly ortaq pikir bildirdi.