Sınoptıkter 26-28 qarashaǵa arnalǵan aýa raıy boljamyn usyndy, dep habarlaıdy Egemen.kz.
«Demalys kúnderi Qazaqstan aýmaǵynyń basym bóligine sýyq arktıkalyq aýamen toltyrylǵan Soltústik antısıklony áser etedi, sonymen baılanysty soltústik-batys, soltústik, ortalyq jáne shyǵysta aýa temperatýrasynyń kúrt tómendeýi jáne jaýyn-shashynnyń toqtaýy kútiledi», delingen Qazgıdromet habarlamasynda.
Atmosferalyq fronttardyń ótýimen 26 qarashada shyǵysta, 26-28 qarashada respýblıkanyń ońtústigi men ońtústik-shyǵysynda aýa-raıynyń turaqsyz sıpaty kútiledi. Qar túrinde jaýyn – shashyn jaýady. 26 qarashada shyǵysta, 26-27 qarashada ońtústik-shyǵysta qalyń qar túsedi.
Respýblıka boıynsha tuman, shyǵys, ońtústik jáne ońtústik-shyǵysta jeldiń kúsheıýi 15-28 m/s bolady. Shyǵysta burqasyn, ońtústik jáne ońtústik-shyǵysta kóktaıǵaq kútiledi.
Túnde batysta aýa temperatýrasy 5-15 aıazǵa deıin tómendeıdi. 26-27 qarashada soltústik-batysta 20-30 aıazǵa deıin, soltústikte 23-36 aıazǵa deıin, ortalyqta 17-34 aıazǵa deıin, 27-28 qarashada shyǵysta 27-38 aıazǵa deıin kúrt tómendeýi boljanady, 27-28 qarashada aýa temperatýrasy ońtústik, ońtústik-shyǵysta 5-15, taýly jerlerde aýdandarda 15-20 gradýs aıaz deıin tómendeýi kútiledi.