Astanadaǵy Táýelsizdik saraıynda Qasym-Jomart Toqaevty Qazaqstan Prezıdenti retinde saltanatty ulyqtaý rásimi bastaldy, dep habarlaıdy Egemen.kz.
Rásimniń ashylýy Memlekettik Tý, Qazaqstan Respýblıkasy Prezıdentiniń memlekettik shtandarty men Konstıtýsııany alyp shyǵýmen bastaldy.
Aıta keteıik, Qazaqstan Prezıdentin ulyqtaý rásimi 26 qarashaǵa bekitildi. Bul el tarıhyndaǵy jetinshi ınaýgýrasııa bolmaq. Rásim kezinde Ortalyq saılaý komıssııasy jańa saılanǵan Prezıdentke Qazaqstan Respýblıkasy Prezıdentiniń kýáligin tapsyrady.
Budan soń, Memleket basshysy Qazaqstan halqyna ant beredi. Sol sátten bastap qaıta saılanǵan Prezıdent resmı qyzmetine kirisken bolyp esepteledi.
Eske sala ketsek, Qazaqstanda ótken kezekten tys prezıdent saılaýynda Qasym-Jomart Toqaev 81,31 paıyz daýys jınap, jeńiske jetti.