Jánibek Nurysh, "Otyrar" telearnasynyń jýrnalısi:
- Iá, esimde. Kún óte ystyq bolatyn. Geografııa, bıologııa jáne qazaq ádebıeti pánderiniń birin qosymsha pán retinde tańdaıtyn bolyp qatystym. Geografııa men bıologııanyń tek 15 suraǵynyń jaýabyna senimdi bolǵandyqtan, táýekel etpeı, ózime ońtaıly qazaq ádebıetin tańdadym. О́zimmen birge "shparkalka" alyp kirdim. "Shpargalka" bolǵanda, aınaldyra skotch japsyrylǵan alaqandaı ǵana qaǵaz. Qaǵazda: qatań, uıań jáne úndi daýyssyzdar, geometrııadan birneshe formýla jazylǵan. Shulyq men baltyrdyń arasyna qystyryp test tapsyrǵan edim. Biraq qoldana almadym. "Shpargalkanyń" jaýaptaryna sáıkes suraq kelmedi. Jalpy upaı 91, orys tilin shegergende 81 ball boldy.
Elvıra Erǵalına, jýrnalıst, bloger:
- Esimde. "Shpargalkany" toltyryp alyp barǵanym esimde. Qoryqqannan bireýinen basqasyn shyǵara almadym. 103 ball jınadym. Mekteptegi eń joǵary ball meniki boldy.
Azamat Tlepov, "Qazaq radıosynyń" jýrnalısi:
- Iá, esimde, UBT-ny 2009 jyly tapsyrdym. Testke bir kún qalǵanda túnimen uıyqtamaı "shpargalka" jazdym. Biraq ókinishke qaraı ony paıdalana almadym. Aýdıtorııaǵa kireberiste komıssııa alyp qoıdy. Sosyn óz bilimime senýge týra keldi. Aıtarlyqtaı bir qobaljyǵan joqpyn. Birinshi aýyzsha sabaqtardy belgilep, matematıkany sońyna qaldyrdym. Jáne berilgen ýaqyttan 1 saǵat buryn shyqtym. Nátıjesinde orys tilin alyp tastaǵanda 74 ball jınadym.
Ermuhamed Máýlen, sport kommentatory:
- UBT tapsyrǵanym esimde. "Shpargalka" qoldandym. Matematıka sabaǵynyń testteriniń kitapshasyn alyp kirdim. Sonyń arqasynda 3 suraqqa jaýap taptym. Qalǵan sabaqtardan "shpargalkam" bolǵan joq. Tek sol matematıkadan qınaldym. Sáti túsip, 96 ball jınadym.
Azamat Bıtan, jýrnalıst, bloger:
- Esimde sol bir kez... Testke kóp daıyndaldym. Sondyqtan maǵan asa qıyn bolǵan joq. Psıhologııalyq kúızelisten de aman boldyq. "Shpargalka" qoldanǵan joqpyn. Biraq syrtqa suranyp shyqqanym ras. Sol sátti paıdalanyp eń qıyn degen, jaýaptary kúmán keltirgen 7-8 suraqtaryma uztazdarymnan jaýap alyp úlgerdim. Eń aýyry matematıka páni boldy. Sóıtip, orys tilin qospaǵanda 71 ball jınadym. Mańdaıyma jazylǵany, buıyrǵany osy boldy. Osy nátıjege qanaǵattandym, qýandym. Osylaısha alǵa qoıǵan maqsattar oryndalyp, úlken múmkindikter ashyla berdi...
Almas Nurǵalıev, Atyraý munaı jəne gaz ınstıtýtynyń oqytýshysy, bloger:
- Biz tapsyrǵan kezde jańa bastalyp jatyr edi. Ol kezde keshendi test dep atalatyn, ıaǵnı memlekettik emtıhandy mektepten tapsyryp keldik. Eń alǵash grant ıegerleri bizder boldyq. "Shpargalka" deısiz, biz emtıhandy qalaı tapsyrý kerek ekenin de bilmedik. Mekteptiń bergen bilimimen baryp, 120 suraqtan 67 ball jınadym. Bizdiń mamandyqqa bólingen, matematıka jəne fızıka, 180 orynnyń bireýin 27-shi bolyp ıelendim. Ol 1999 jyl bolatyn. Qazir emtıhan tapsyrý úlgisi qalǵanymen bəri basqasha. Daıyndalýǵa materıaldar jetkilikti, blankilerdi durys toltyrýdy mektepte úıretedi. Sol kezde túlekterdiń kóbi qaı maman ıesi bolatynyn bilmeı, ata anasynyń da balanyń qabiletin eskermeı mamandyq tańdap jatty. Máselen, testten ótip, qujatyn grantqa tapsyryp, grant alyp turǵanda basqa mamandyqqa aqyly negizde túsip jatqandar kóp boldy. Menińshe, JOO túsý úshin mindetti túrde kolledjdi bitirý kerek. JOO-da aqyl toqtatqan eresek adamdar oqýy kerek. Búgingi jaǵdaıymyz kúnderdiń kúninde qarapaıym jumysshynyń tapshylyǵyna əkelip soqtyrýy múmkin.
Ernar Bekenov, bloger:
- Árıne esimde. "Shpargalka" qoldandym, óıtkeni oqytýshy "bildirtpeı qoldanýǵa" ruqsat etti. Qatelespesem 74 ball aldym.
Danııar Alan.