«ArselorMıttal Temirtaýdyń» óndiris mekemesinde tótenshe jaǵdaı oryn aldy, dep habarlaıdy Egemen.kz kompanııanyń baspasóz qyzmetine silteme jasap.
26 qarashada №3 ázirlemelerdi úzdiksiz quıý mashınasynyń bolat shómish qaqpasyna metall tógildi.
«Tehnologııalyq personal tótenshe jaǵdaıda tıisti prosedýralardy tolyq oryndady. Metall arnaıy shuńqyrǵa quıyldy. Konverter sehy shtattyq rejımde jumys istep tur. ÁÚQM-3-ti synaqtan ótkizý jáne iske qosý jumystary júrgizilip jatyr. Apat saldarynan zardap shekkender joq», delingen «ArselorMıttal Temirtaý» baspasóz qyzmetiniń habarlamasynda.