29 qarasha kúni saǵat 9:20-daǵy jaǵdaı boıynsha 153 abonentke gaz berý qalpyna keltirildi, dep habarlaıdy Egemen.kz Astana ákimdiginiń resmı saıtyna silteme jasap.
№15 GTShP jáne №16 GTShP qyzmet kórsetetin 153 abonentke gaz berý qalpyna keltirildi. Bul - Aqan seri, Qaramende bı Shaquly, Sulýtal, Súıinbaı Aqyn, Aıdarhan Turlybaev kósheleriniń turǵyndary. Úshinshi GTShP boıynsha bý qondyrǵysy bar arnaıy kólikpen 75 abonentke GTPSh jylytý jumysy uıymdastyryldy.
«Kóktal-1» turǵyn alaby abonentteriniń bir bóligine gaz berý 28 qarashada saǵat 18:40-ta «GAZOVIK» JShS ınjınırıngtik kompanııasynyń kelisilmegen jer jumystaryn júrgizýi barysynda ortasha qysymdy gaz qubyry zaqymdanǵanyna baılanysty toqtatyldy.
«QazTransGazAımaq» AQ apattyq brıgadasy dereý oqıǵa ornyna shyǵyp, qalpyna keltirý jumystaryna kiristi.
«Saryarqa» aýdany ákimdiginiń apparatynda shtab quryldy. Aýdan ákimdigi kómir tasymaldaýdy uıymdastyrdy. Qazir abonentterdiń bir bóligi gazǵa qaıta qosylǵan.