2014 jylǵy 9 maýsymnan bastap «Astana – Býrabaı kýrorty» baǵytyndaǵy №805/806 «Oqjetpes» poıyzy kúndelikti qatynaýǵa aýysady. «Oqjetpes» poıyzy Astanadan 18 saǵat 55 mınýtta attanyp, Býrabaıǵa 21 saǵat 46 mınýtta keledi, óz kezeginde Býrabaıdan 22 saǵat 40 mınýtta shyǵyp, Astanaǵa 01 saǵat 37 mınýtta keledi. Elektr poıyzy jolda eshbir stansaǵa toqtamaıdy.
Quramda 3 birinshi sanatty, 3 ekinshi sanatty, 2 úshinshi sanatty vagondar bar.
Jańa quramda jolaýshylarǵa barlyq jaǵdaılar jasalǵan. Onda jumsaq ergonomıkalyq oryndyqtar, jylytý jáne salqyndatýdy bólek basqaratyn aýa baptaý júıesi, vagonaralyq germetıkalyq ótpeler, salondar men tambýrlardy beınebaqylaý júıeleri, Wi-Fi, qazaq jáne orys tilderindegi sapar týraly aqparat beretin «Júgirtpe jol» taqtasy bar, dep habarlady «Jolaýshylar tasymaly» AQ baspasóz qyzmeti.